ဒီနေ့က ကျွန်တော့်ကိုယ်၀န်လေး ၈လနဲ့၁ပတ်ပြည့်တဲ့နေ့ .... နွေရာသီမို့ထင်ပါရဲ့ အိုက်စပ်စပ်နဲ့။
ဘယ်လိုမှအိပ်မပျော်နိုင်တော့ ထလိုက်ပြီး ၀န်ရံတာဖက်ကို လမ်းလျှောက်ထွက်မိတယ်။၀န်ရံတာကနေကြည့်ရင် ကျွန်တော့်အခန်း ( အရင်တုန်းက နေခဲ့တဲ့အိမ် ) ကိုတည့်တည့်ကြီးမြင်နေရတယ်။
အိမ်ထဲကနေအိမ်ပြင်မထွက်ဘဲ တနေကုန်နေနေရတာ ဘယ်လောက်များ ငြီးငွေ့လဲဆိုတာ နေဖူးတဲ့သူတိုင်းသိမှာပါ။
အရင်တုန်းကလို ဂိမ်းမဆော့တော့ဘူး။
နေ့ခင်းကြောင်တောင်အထိမအိပ်တော့ဘူး။
အစစ အရာရာ ရင့်ကျက်လာလို့အဖွားကတောင် Luke ကိုကျေးဇူးတင်နေလေသတဲ့။အော် .... အချစ်မပါတဲ့ အိမ်ထောင်ရေးမှာ ဒီရင်သွေးလေး က မြစ်ဖျားခံနေလို့သာဘဲပေါ့။မဟုတ်ရင်ပြိုကွဲတာကြာပါပြီလေ။
ဒီနေ့လပြည့်နေ့များလား ... ကောင်းကင်ကိုမော်ကြည့်ရင်း လမင်းကြီးကိုပြုံးပြမိပြန်တယ်။
ရုတ်တရက် ....
"မင်း မအိပ်သေးဘူးလား ...."
Luke က ပခုံးပုတ်ကာမေးလေတော့ ကျွန်တော်လည်းအနောက်လှည့်ကြည့်ကာပြုံးလိုက်ပြီး
"ရာသီဥတုနည်းနည်းပူနေလို့ ..."
ဒါပထမဆုံးအခေါက်ဘဲ မအိပ်သေးဘူးလား ဆိုပြီးအမေးခံရတာ။ရုပ်ကတည်နေပေမယ့် အရင်လို ဒေါသထွက်နေတဲ့ အရိပ်အရောင်မျိုးမမြင်ရလို့ စိတ်တော့နည်းနည်းပါးပါးသက်သာရာရောက်မိတယ်။
"မင်း အခန်းထဲမှာပူတယ်မလား ...."
"ဟုတ် ...."
ခေါင်းငုံ့ရင်း ပြန်ဖြေမိသည်။ကျွန်တော်သူ့ကို ငါးစက္ကန့်ထက်ပိုပြီး မကြည့်ရဲဘူး။ဒါလည်းကျွန်တော့်ရဲ့အားနည်းချက်တစ်ခုဖြစ်မှာပါ။
YOU ARE READING
A Guide To Life ( U + Z )
FanfictionUnicode 💙 Luke နဲ့ Fu ကို ချစ်လို့ရေးတာပါ။ တခြားဘာအကြောင်းပြချက်မှမရှိပါဘူး။ fujoshi ဆိုတာ LGBT support တဲ့သူမဟုတ်သလို fujoshi မိန်းကလေးတိုင်းက ship ချင်တဲ့သူကို ship ပိုင်ခွင့်ရှိပါတယ်။ဒီလို ship လိုက်တာကလည်း သဘောကျလို့ နှစ်ယောက်စလုံးကလည်း idol ဖြ...