တနင်္ဂနွေနေ့ ....ကျွန်တော်လည်း အလုပ်မရှိတော့ သားသား ကို ကစားကွင်းပို့ပေးမယ်ဆိုပြီး သူမနိုးခင်ကတည်းက ထိုင်စောင့်နေမိတယ်။
၈နာရီလောက်နေတော့ .... သူဆင်းလာခဲ့တယ်။ပြင်ပြင်ဆင်ဆင်နဲ့။ "အင်း ...ဘယ်သွားမလို့ပါလိမ့် ..."
ကျွန်တော်သူ့ကိုလှမ်းကြည့်နေပေမယ့် အဖု က ကျွန်တော့်ကိုမမြင်ချင်ယောင်များဆောင်နေတာလား မသိပါဘူး။လက်ကနာရီကိုဘဲ အသေအချာပတ်နေတယ်။
"အဖု ....ဘယ်သွားမလို့လဲ ဟင်"
ကျွန်တော် အရဲစွန့်ပြီး မေးလိုက်တော့ လှေကားအောက်ဆုံး အထစ်မှာရပ်နေတဲ့ ဒီကောင်လေးက လှောင်ပြုံးကြီးပြုံးကာ ....
"အပြင်သွားမလို့လေ ...."
ဟုဆိုပြီး ခြေလှမ်းသွက်သွက်နဲ့ အိမ်အပြင်ထွက်ရန်ပြင်နေတော့သည်။အိမ်ရှေ့တံခါးအနားရောက်တော့ ....
"တနင်္ဂနွေနေ့ဆိုတော့ သားသား ကို ကစားကွင်းပို့ပေးရင်ကောင်းမလားလို့ "
ကျွန်တော်လှမ်းပြောလိုက်မိသည်။
သူကကျွန်တော့်ကိုနောက်ကျောခိုင်း အနေအထားနှင့်ရပ်နေပြီး .....
"အော် ဟုတ်လား ....
ကောင်းတာပေါ့ သွားကြလေ "
ဟုဆိုပြီး သူ့ကားပေါ်တက်ကာ မောင်းပြီးထွက်သွားလေတော့သည်။ "အင်း ...အရင်လိုမဟုတ်တော့ပါလား " ကျွန်တော်တွေးနေမိတယ်။
စိတ်ဆိုး စိတ်ကောက်လည်း ဒီကလေးက ခဏဘဲဆိုတာ ကျွန်တော်သိနေပေမယ့် ဒီတစ်ခါတော့ တော်တော်ကြာနေပြီ။သူကျွန်တော့်ကိုရွဲ့နေတုန်း။
YOU ARE READING
A Guide To Life ( U + Z )
FanfictionUnicode 💙 Luke နဲ့ Fu ကို ချစ်လို့ရေးတာပါ။ တခြားဘာအကြောင်းပြချက်မှမရှိပါဘူး။ fujoshi ဆိုတာ LGBT support တဲ့သူမဟုတ်သလို fujoshi မိန်းကလေးတိုင်းက ship ချင်တဲ့သူကို ship ပိုင်ခွင့်ရှိပါတယ်။ဒီလို ship လိုက်တာကလည်း သဘောကျလို့ နှစ်ယောက်စလုံးကလည်း idol ဖြ...
