قابل للتفاوض+زمهرير (دراما صعيدية مميزة)

الفصل الثلاثون

رواية قابل للتفاوض
لـ /إيمان سالم

-بس أنا موافجة
نظروا جميعا لمصدر الصوت وكانت المفاجئة ... شجن!!

تغيرت ملامحهم فجأة من غضب لجمود تعبيرات ساكنة رغم تخبطاتهم مميتة وكانت نظراتها المنكسرة الفدائية أقسي شئ لقد أراقت دمائهم شعور بالصقيع بعد جو حار .... تخبط يحمل كل منهم لوادي وهي تقف في المنتصف تصارع ولابد من أن تصارع وحدها لقد فعل كل منهم ما بوسعه ليحميها ماذا يفعلون أيضا من أجلها لقد جاء دورها وأنكشف الستار لتخرج من قوقعتها ترتجف تنتظر يد أحدهم لـ تمسك بها لكنها سقطت في بئر عميق والمطلوب منها وحدها ... الصعود ... النجاة من الغرق

هتف فارس في تروي: إيه اللي چابك دلوك يا شچن؟!
كان ردها برئ كهيئتها: صوتكم عالي يا اخوي
رحيم من بين أسنانه: ايه اللي هتجوليه ده موافجة علي إيه؟!
نظرت للاسفل حيائها رغم خطورة الموقف يظهر: أتجوز عاصم
ضرب المزهرية التي لجواره فسقطت أرضا محدثه دوي عالي
صرخت منتفضه للخلف تنتفض بذعر
هتف رحيم بقوة: عاصم مين اللي تتجوزيه ده لو آخر راجل في الدنيا مهيطلوكيش ابدا
كانت قد اقتربت والدته منه تمسك ذراعه متحدثه: رحيم فوج لحالك متخليش الغضب يعمي عنيك ونخسرك ولا نخسر حد فيكم ... كفاية لحد كده فارس اللي هيجوله نعمله هو الكبير وادري بمصلحة الكل

نظر لها في غضب هاتفا: ياما أنا مبدورش علي نفسي أنا بدور علي خيتي بنتك صغيرة وراحة لتعبان كبير وأمه صدقيني يا أمه بتك هتتأذي كتيــــر منيهم هو أنا اللي هجولك يا حاچة
أدمعت عينيها تشعر بالاسئ لكن ما باليد حيله تحدثت برجاء لولدها الآخر: فارس خيتك أمانه في رجبتك اوعي ترميها بسهولة لاي حد أنا بجولك أهه، حاول تشوف حل تاني ياولدي غير إننا نتمموا الچوازه دي

زفر فارس وهو يجلس متحدثا: مسبليش ولد "همت" حل تاني ضيجها في وشي يا امه
والدته في حزن: يعني إيه؟!
متسبجوش الكلام دلوك لسات في حديث بيناتنا لم يخرج بس حبيت تبجوا معايا في الصورة عشان محدش يرجع يغلط تاني ونظر لرحيم بلوم خفي

زفر بقوة وهو يبتعد تجاه الباب متحدثا: خلاص يا فارس اچل كل حاچة لحد ميخرج جايز ربنا يكتبله موته حلوه هناك ونخلصوا منه
نظر الجميع له في فزع نظرات اتهام خوف ... زفر وهو يجيبهم بسخرية: مالكم بتبصولي كده ليه مليش صالح بيه ولا هروح له من الأساس استريحوا

ثم ألقى نظرة آخيرة على شچن تحمل ألم كبير وغادر ليتفاجئ بعد عدة خطوات بيد تسحبه بقوة وهو لداخل غرفة آخري

-------------****-------------

ضحك بقوة :وهو يضم جلبابه متحدثا: كنت أدفع نص عمري واشوف وشه كان عامل ايه ...وزادت ضحكاته متحدثا: يالا خليه يتعلم يعلب مع فضل رضوان كويس مفكر نفسه حاچة ولسه يا فارس التجيل چاي ورااا
تحدث عاصم وهو يعتدل: لاه بجولك ايه متنساش أننا اللي نفذت كل حاچة حتي شوف اهه وأشار علي وجهه وجبهته
تحدث فضل بتأكيد: چرح بسيط ياود خالي وهعملك عملية تچميل من اللي بيعملوها الممثلين عشان ترجع زي الاول وأصغر كمان ولو عاوزني اخليك زي أحمد عز ولا السجا هخليك ايه جولك
ضحك عاصم متحدثا: أحمد عز مرة واحده ماشي يا فضل لما نشوف شاطرتك بجي