زمهرير /إيمان سالم
بين ألمي واحزاني
هجيب منين ضلوع تاني
تشيل كل اللي اتكتب فيهم
عليك يا بني يانور عيني
تدوس الدنيا وتجيني
مفروم والحياة وجعاك
امسك بإيدك إيدي
هحاول اسندك يمكن
اقاسمك نص اوجعاك
واشيل الهم عن كتفك
وارجع الضحكة لعيونك
حبيبي من زمان وحشوني
اتبدل لونهم لغيوم
هعيش لاخر نفس جمبك
منا امك منا نبضك
ولما تتوجع يا بني
قلبي بيحس قبلك
تلف الحياة وتاخدنا
سنين بتعدي وتعيدنا
لنفس البداية الصعبة
سنين من الالم هنعيشها
وحكايات الكل عايشها
دايما فيها الالم موجود
ورغم اليأس اللي حولينا
هعيش احلم بيوم يجي
الضحكة كلها تخرج
وقلبك يا بني يوم يفرح
يحقق كل اللي اتمناه
وتعيش على الكون ده إنسان
تفرح مداه حقك
تحلم وترسم في الحياة حلمك
ويكبر قدام عينيك
ولو جيه يوم وملقتكاش
يبقي الحياة إزاى تتعاش
ياريتك خدتني معاك
ولدي لاه، يا ولدااااي
اقتربت تضرب وجهها بقوة تفوق الخيال متحولة من هيئتها المستكينة لاخري تهذي، اقرب للجنون فجسده محمول تلطخه الدماء وقلبها ينبض بعنف يخبرها الحقيقة التي لا تريدها، هل ستفقده لا تصرخ بها بصوت حاد
ووقفت عزيزة هي الآخري كصنم متحجر لا تصدق ما ترى ورغم أنها لم تكن له يوما ما مشاعر حب لكن صدمة وجوده بتلك الصورة اربكتها بل قتلتها ارتفع صوت صرخها هي الآخري وبدأت الناس تفد على اصواتهم العالية ليروا ما الأمر
تقلب وجهه بين يديها ومن يحمله يكاد يبكي لولا انه عيب في عرفهم فلا دموع للرجال لكان فعلها حزنا على رجل كان طيب الأصل كما يقولون
زفر الآخر متحدثا ببعض الغلظة: كفاية يا أمه كِده حرام
هو دلوجت بين ايدين ربنا
لاااه متجولش كده هو هيفوج هملوني هملوني وهملوه مشوا من اهنه مش عاوز حد الا بدر جووووم يا ولدي جوم متعملش معاي كده متحرجش قلبي عليك بعد العمر ده كله تروح خبيتك سنين منهم ابوك راح بدري وعشت العمر اهرب بيك عشان مشفش اليوم ده ليه يارب ورتهولي فيه ليه؟! ياريتهم جتلوني انا وأنت لاه جوم يا نضري جوم افرح بعروستك دا لستها الحنة على كفوفها مرحتش جوم يا حبيبي جوووم يا بدر
الحياة رحلة مهما طالت لابد من النهاية وكانت متمثلة في كفن أبيض وعزاء ترفض أن يقام حتى تأخذ بتارة العجلة يجب ان تدور تضم ولده لصدرها بذراعايها وجهه في مواجهة للخارج مع خروج النعش يحمله الرجال .. تريده أن يظل طوال العمر يتذكر هذا المشهد يكبر وعقله لا يفكر في شئ سوى أخذ الحق ممن سلبه من والده الحياة لابد أن تكون عادلة ولن تترك تارة ولو آخر يوم في عمرها
ترتب بكفيها على كتفيه دون افلاتهم .. كأنها تدق اجراس الحرب تجمدت الدموع وتحشت بالسواد ليس الخارجي فقط بل ملئ القلب منه الكثير
أنت تقرأ
قابل للتفاوض+زمهرير (دراما صعيدية مميزة)
Roman d'amourعائلة صعيدية عريقة وكبيرة، تحكمها تقاليد وأعراف كل واحد منهم له قصة مختلفة سنتعرف عليها من خلال الاحداث «قل لي يا قلب متى ستشرق شمسك ويزهو ربيعك»
