رواية قابل للتفاوض
لـ / إيمان سالم
الشمس تشرق كوني
وأنا الجاهل أريد ضياء القمر
لم يطل انتظارها حيث دخل يحمل معه إرهاق يوم طويل .. بعد دخوله نظر للحقيبة متفحصا اياها وتحدث بهدوء: جهزتي دي لإنتصار؟
هتفت في قوة وغضب:لاه يا فارس، دي بتاعتي
نظر لها في تعجب يطالع ملامحها ولاول مرة يراها قوية قاسية بتلك الصورة فمنذ وصلهم للمشفي وهو يري بها شئ مختلف لم يعتاده من قبل حتي نظراتها حادة، تحدث بقلق يحاول اخفائه: ليه رايح فين عاد؟!
-هعاود بيت ابوي
تبدل قلقه لعبوس وتعجب متحدثا: كيف يعني هتعاودي بيت ابوكِ؟!
-طلجني يا فارس، طلجني
قطع المسافه بينهم ممسكا يدها بغضب كم يكره تلك الكلمة منها و نهاها عن قولها الإ انها لم تفهم بعد، هتف بصوت محشرج يكتم انفعاله: بتجولي ايـــه يا حنان! ... اطلجك !! هه، مش جلت لك متجوليش الكلمة دي تاني، جرالك ايه حاسك مالصبح مش انتِ، ايه اللي في دماغك يا بت عمي
ضحكت بدموع متحدثه بسخرية: حاسسني ... جلبك أبيض ياخوي ... انا معوزاش اتكلم في حاچة، طلجني وبس ده اللي ريداه منك
ضغط علي ذراعها متحدثا: بتعديها تاني، كن راسك كبر علاااي يا حنان
حاولت نزع يده التي تضغط ذراعها بقوة وجهها نافر متحدثه: راسى عمره مكبر عليك ياريته كان كبر مكنش ده بجي حالي ، طلجني وروح اتجوز واحده تحبها يا فارس، بس ياريت اللي تجبها دي تحبك نص الحب اللي حبتهولك
ترك يدها اخيرا ليترك علامات اصابعه عليها بوضوح وكأنه لا يكفيه قلبها المتألم نظرت لذراعها بحزن تمسده ... وهو تائهة لقد القته في بئر تحدث بتردد سؤال يخشي اجابته: جواز ايه ياحنان مين جالك الكلام ده؟!
اصدرت صوت ساخرا وهتفت: محدش جالي أنا سمعت لحالي .. سمعت بودني .. يمكن لو كان حد جالي الكلام ده مكنتش صدقته أنما هكدب ودني
نظر لها بتعجب هاتفا:جصدك ..... بتتصنتي عليا يا حنان
صرخت بغضب: لاااه، كنت جاية بالصدفة ربنا هو اللي عاوز يكشفك ليا، عاوزني افوج من الوهم اللي كنت عايشه فيه ،اكدب علي حالي واصدق انك بتحبني
-طب منا بحبك
-لاااه يا فارس أنت بتحب نفسك وبس ... الله يخليك كفاية لحد كده طلجني من سكات
هتف بتعجب: كل ده عشان البت المحامية،ده جواز عشان المُصلحة
جلست علي المقعد القريب لها تنظر للارض بحزن متحدثه: المُصلحة أي مصلحة في أنك تحب واحده غيري
صرخ بغضب: حب ايه وبتاع ايه ،اعجلي يا حنان متخليش كلام ملوش عازه يعمل فيكِ كده، كنك خبلتي علي كبر
ايوه انا مخبله بس ده لو بجيت علي ذمتك يا فارس انت عيش لنفسك بس سبني اروح لحال سبيلي واعيش اللي باجي لنفسي زيك يا اخي
ضرب الحائط لجواره متحدثا: كانك عصيانه وعاوزه اللي يردك
-ايه هتضربني .. تعال اضرب عملتها جبل سابج وخلاص بجيت وخده علي جاسيتك !!
اجصري الشر يا حنان واقعدي في دارك وعلي المحامية مهتجوزهاش ،كِده زين يا بت الناس!
لاه مش زين أنا خلاص خدت جراري يا فارس ومش راجعه فيه لو اطربجت الدنيا
بسخرية ونفاذ صبر: جرااار من ميته بتجرري يا حنان مش بجولك راسك كبر علي، مش مطلجك يا حنان ولو مسكتيش ورجعتي عن اللي فراسك ده هيبجي لي تصرف تاني معاكِ
مرجعاش في اللي جلته يا فارس حتي لو جطعتني، فطلجني من سكات متنساش أني بت عمك
زفر متحدثا بغضب: مهو عشان بت عمي مهطلجكيش لو عملتي ايه يا حنان
-هطلجني يا فارس يا اما هخلعك
أنت تقرأ
قابل للتفاوض+زمهرير (دراما صعيدية مميزة)
Lãng mạnعائلة صعيدية عريقة وكبيرة، تحكمها تقاليد وأعراف كل واحد منهم له قصة مختلفة سنتعرف عليها من خلال الاحداث «قل لي يا قلب متى ستشرق شمسك ويزهو ربيعك»
