الجزء الثاني من الفصل الرابع عشر
رواية قابل للتفاوض
للكاتبة إيمان سالم
فجوة بين ما مضى وما هو قادم ..!!
تائه لا أرى نفسي هنا أو هناك ..!!
حدثته بذكاء كعادتها: أنا هدخل في الموضوع على طول أنا "راية" المحامية إلي ماسكة قضية عيلة رضوان
كان يطالعها بنظرات متفحصة واتسعت عينيه قليلا يحاول استدراك الأمر وفهم ماهو سبب زيارتها إن كانت صادقة فيما تقول ... أنا سألت وعرفت أنك كنت شغال معاهم من فترة وعارف عنهم كتير واللي عرفته بردة انهم سايبينك لحد دلوقتي لانك ماسك عليهم حاجات خطيرة مش كده؟!
تحدث بتوتر وصوت حاد: معناته ايه حديتك ده، عاوزه توصلي لايه بالصريح كِده من غير مجدمات؟
-عاوزه معلومات صحيحة عنهم وعن شغلهم كلــه وأهم حاجة الدليل
ضيق عينيه بشك ونهض من مقعدة متحدثا: معنديش حاچة اجولها لك ولا اعطهالك واللي جالك الكلام ده عليه كداب
نهضت هي الاخري تحدثت بود لتقلل من نوبة غضبه: متخفش مني ولو مش مصدق إني زي ما بقولك محامية اهى بطاقتي واخرجتها بالفعل ومدت يدها بها أمام عينيه متحدثه: شوفها مش هتخسر حاجة عشان تصدقني وتبقي مطمن ليا
تباطيء في الفعل لكنه تناولها بالأخير يتفحصها، اتبعت تؤكد: وإسأل مين اللي ماسك قضيتهم قصاد العتامنة الف مين هيقولك اني اللي ماسكها هو أنا
نظر لها بتعجب وتحدث: كيف حورمه تمسك الجضية دي، أنتِ خابره إن محامين يامه سابوها عشان العداوة اللي بناتهم ...والله ما مصدج إن حورمه تعمل كده
تحدثت في تأكيد: للاسف عرفت بعد ما مسكتها وكنت مضطرة اكمل فيها، بس اللي حصل الجلسة اللي فاتت حسسني اني لازم افهم أكتر عن دواخلهم
تحدث بشك: عاوزة تفهمي ايه بالظبط
-شغلهم المستخبي في ايه وازاي كده ممشينه حتى الحكومة مش عارفة توصلهم والارض دي تبقي بتاعة مين فيهم بالظبط مين فيهم اللي صاحب الحق ومين الكداب
تحدث بتعجب: به به، كل ده عاوزه تعرفيه، ليـــه حد جالك عليا إني مخاوي
حدثت بثقه: بس هما بيقول لي إنك عارف حاجات كتير عنهم وأكتر من اللي اتخيله كمان
تحدث بسخرية وايه كمان يا ست؟
اعتبره قلبي اللي بيقولي أنك عارف كتير وهتقولي واللي تطلبه انا تحت امرك فيه وصدقني مش هضرك
تمعن في حديثها متحدثا: لو صُح زي ما بتجولي التمن هيبجي غالي عليك جوي
قولي بس ومش هنختلف على حاجة
لاه اللي أوله شرط آخره نور مش جايل حرف واحد جبل ما يكون معاكي خمسين الف جنية
اتسعت عينيها متحدثه: خمسين ايه ... دا مبلغ كبير اوووي!
لو عاوزه تعرفي حاجة لازم تدفعي لان اللي هجوله لك ده ممكن يإذيني أنتِ متعرفهمش دول ايديهم طايلة
طب أنا مش عاوزه اوراق اشوفها بس لو معاك حاجة عرفني اللي تعرفه وخلاص
اللي عندي جلته يا ست
طب خليهم النص حتى المبلغ كبير وصعب اوفر ليك كده بسهولة
ليه مش محامية وبتاخدي في الجضية جد كده
اومأت ساخرة لا مش أنا ... دول الحيتان أنا لسه على قدي على العموم اللي اقدر اوفره ليك نص المبلغ بس هاه قولت ايه؟
بعد تفكير رأته في عينيه هتف: موافج بس ميته
-بكرة المبلغ يكون عندك، تمام كده
ماشى بالليل المغرب يناسبك
المغرب مفيش مشاكل هجيلك هنا مش كده
اجابها في قلق: لاه مش اهنه ... اديني رجمك وانا هكلمك اجولك عليكى المكان
تحدثت في شك: ماشي بس اكيد كلام رجاله صح؟
أنت تقرأ
قابل للتفاوض+زمهرير (دراما صعيدية مميزة)
Romanceعائلة صعيدية عريقة وكبيرة، تحكمها تقاليد وأعراف كل واحد منهم له قصة مختلفة سنتعرف عليها من خلال الاحداث «قل لي يا قلب متى ستشرق شمسك ويزهو ربيعك»
