Fight Until the End (Completed)

Fight #34: School Festival (Part 2)

Sizzi's Punch

"Hi Ms. Morales, what can I do for you?" Tanong no'ng pamintang make-up artist pagkapasok pa lang namin ni Rica sa salon nito.
(A/N: Paminta = gay)

"Hi Tita Beauty." Bati ni Rica pagkayakap dito. "Gusto kong pagandahin mo ng bongga si Ate Sizzi ha? 'Yong basta hindi makapal. 'Yong simple lang pero siya 'yong stand-out sa lahat."

Agad naman akong tiningnan ni Tita Beauty. Nakakatakot ang tingin niya. Parang X-ray. Tagos.

"Anong oras ba ng party?" Baling ulit ni Tita Beauty kay Rica.

"8 PM pa Tita."

Pumalakpak ng dalawang beses si Tita Beauty. "Great! Hindi naman ako magtatagal sa pag-aayos sa kanya. Natural na talaga ang beauty niya." Ngumiti ito sa akin. "Sa'yo bagay ang pangalang beauty eh."

Medyo napayuko naman ako. "Ah, salamat po."

"Huwag mo akong i-po, tumatanda ako." Natatawa nitong sabi sa akin. "Maupo ka na do'n nang makapagsimula na ang aking magic sa pagpapaganda sa'yo! Sige, upo na. Go!"

Natawa naman ako saka umupo.

So, anong meron ngayon? May party kasi kapag last day na ng School Fest. At formal 'yon.

Ayaw ko sanang um-attend kaya lang pinilit ako ni Rica eh.

Siya na nga rin ang pumili ng isusuot ko. In short, siya lahat ang gumastos.

Eh ayaw ko nga kasing gumastos, saka, hello? Ano namang gagawin ko do'n? Eh paniguradong boring naman do'n.

"Sige na kasi Ate Sizzi, um-attend ka na. Please?" Pamimilit ni Rica sa akin.

"Tinatamad ako Rica. Boring pati do'n." Sabi ko habang nagbabasa ng librong City of Bones. Book 1 ng Mortal Instruments. Pinahiram kasi ni Rica.

"Sige ka Ate Sizzi. Kapag hindi ka um-attend ay sasabihin ko kay Kuya 'yong tungkol sa balakang mo." Banta niya.

Napabuntong-hininga ako at isinara ko 'yong libro. "Sige na nga!"

Pumalakpak naman ng maraming beses si Rica at hinawakan ang dalawang kamay ko. "Yey! Payag ka na ha? Don't worry Ate Sizzi. Ako na ang bahala sa'yo."

At sino ba naman ang makakapalag sa isang Rica Morales?

Siyempre kahit nakipagtalo ako sa kanya na dapat pera ko ang gagastusin ay hindi siya pumayag. Talaga naman.

Kung hinahanap n'yo si hinayupak, ang sabi ni Rica ay pinatawag ng Mommy at Daddy nila. Okay? Huwag na nga kayong magtanong. Ilang beses ko bang sasabihin na hindi ako hanapan ng nawawalang hinayupak?

Anyway, first time ko nga palang a-attend nitong School Fest Ball. Eh kasi naman, wala naman akong gagawin do'n. Boring kaya.

Saka, sabi-sabi na kung sino ang mapiling Mr. and Ms. School Fest ay sila 'yong magkakatuluyan.

Sus, kalokohan. Mga shunga lang ata ang naniniwala do'n.

Matapos ng ilang minuto o oras yata ay natapos din akong akong ayusan.

Gulat akong napatingin sa salamin. Wow. Nagmukha akong tao!

"See? You're beautiful. Kahit nga ata wala kang make-up na pumunta do'n ay ikaw ang pinakamaganda!" Puri ni Tita Beauty sa akin.

Napangiti naman ako. "Salamat Tita Beauty."

"Siya, ikaw ay magpalit na ng damit. Gora!" Sabi nito habang tinutulak-tulak pa ako.