Third Person's Punch
Kanina pa pabalik-balik ng lakad si Therence. Hindi siya mapakali. Kanina pa siya napapahilamos sa mukha niya dahil sa halu-halong emosyon.
Hindi. Hindi nangyayari 'to. Sabi ni Therence sa sarili niya.
Naramdaman na lang niya na may humawak sa tigkabilang balikat niya. Si Jayzee at Clark.
"Maupo ka muna Therence." Sabi ni Jayzee.
"Magiging maayos din si Sizzi." Dagdag pa ni Clark.
Dahil sa sinabi ng dalawa ay pakiramdam ni Therence na nanlambot ang kanyang mga tuhod kaya pasamlampak siyang naupo. Itinuon niya ang kanyang mga siko sa dalawang tuhod niya at tinakpan niya ang kanyang mukha gamit ang dalawang kamay niya.
Naramdaman na lang niya na may umaagos mula sa mata niya.
Umiiyak siya.
He rarely cries.
Kailan nga ba ang huling pagkakataon na umiyak siya? Noong araw na kinailangan nilang umalis pagkatapos no'ng nangyari sa playground.
Ang huling araw na nakita niya si Izzy, na si Sizzi pala.
Napasandal si Therence at tumingala kung kaya nagulat si Jayzee at Clark na makita siyang umiiyak.
Wala namang pakialam si Therence kung umiiyak siya ngayon.
Napapikit ng mariin si Therence nang maalala na naman niya ang nangyari kanina.
Nahawakan ni Kysler ang kamay ni Philip upang ilihis sa ibang direksyon ang baril ngunit natamaan pa rin ng bala si Sizzi sa balikat.
Dahil sumasakit ang balakang ni Sizzi ay nawalan ito ng balanse, dahilan para mapatama ang ulo nito sa isang matigas na bagay.
Kitang-kita ni Therence kung paano bumagsak si Sizzi sa sahig. Sandali siyang natigilan, pagkatapos ay nagdilim ang kanyang paningin at sinugod si Philip.
"P*tang*na mong hayup ka! P*tang*na ka! P*tang*na ka!" Mura ni Therence habang walang tigil na binubugbog si Philip.
Biglang may umawat kay Therence. Si Kysler. "Tama na 'yan Therence, dalhin mo na si Sizzi sa ospital, bilis!"
Parang bigla namang natauhan si Therence at nilapitan ang duguang si Sizzi saka ito maingat na binuhat at dinala na sa ospital.
"Nasaan si Sizzily?" Natatarantang tanong ni Sarah pagkarating nito sa ospital kasama ang asawa.
"Nasa operating room pa po." Sagot ni Jayzee.
Napapikit lang si Sarah saka umupo. Dinaluhan naman agad ito ni Frederick upang aluin.
"Kuya..."
Napamulat si Therence at nakita niya ang kanyang kapatid, kasama ang kanilang magulang.
Napayakap agad si Rica sa kanyang kuya.
This is the first time that I've seen Kuya cried. Sabi ni Rica sa sarili na naiiyak din.
Niyakap din naman agad ni Trizel at Leo si Therence. Alam nila kung ano ang nararamdaman nito ngayon. Pagkatapos ay lumapit ang mag-asawa sa magulang ni Sizzi.
Nahihiya si Therence humarap sa mga magulang ni Sizzi. Pakiramdam niya ay kasalanan niya kaya nangyari ito kay Sizzi.
"Therence."
Napatingin si Therence sa tumawag sa kanya. Ang nanay ni Sizzi.
Lumapit si Sarah kay Therence at niyakap ito. "Huwag kang mag-alala, malakas ang anak ko."
BINABASA MO ANG
Fight Until the End (Completed)
RomantizmIsang babaeng siga, cussing machine at basagulera! Palagi pang tulog sa klase at kinatatakutan ng mga estudyante. Sa mga ugali kaya niyang ito ay may magmamahal pa kaya sa kanya?
