Fight Until the End (Completed)

Fight #44: Biggest Group Fight

Therence's Punch

P*tang*na. P*tang*na. P*tang*na!

Agad akong bumangon at tinanggal ang pagkakaturok ng dextrose sa akin saka ako tumakbo.

Alam ko namang nakasunod sina Clark sa akin.

Pagkarating ko do'n sa bayaran sa ospital ay agad akong naglapag ng pera. Wala akong pakialam kung magkano 'yon, basta ang mahalaga ay makalabas na ako.

Ni wala akong pakialam kahit na tinatawag ako ng mga nurse.

Pagkarating ko saan nakapark ang mga motor nina Jayzee ay agad kong inilahad ang kamay ko kay Jayzee para hingin ang susi.

Umiling ito. "Hindi ka pwedeng mag-drive pare. Baka bumalik tayo sa ospital na ito kapag ikaw ang nag-drive."

Wala na akong gumawa kundi ang umangkas na lang. Tama naman kasi si Jayzee.

Sh*t.

Pagkasakay namin ay saktong tumawag sa akin si Founder.

"Therence! Ang Breakers---"

"Nasaan sila?" Tanong ko agad.

"Danger Zone #25. Bilisan n'yo. Papunta na kami do'n. Kinidnap nila sina Sizzi."

In-end ko naman agad ang call at sinabi kay Jayzee na pumunta sa Danger Zone #25.

P*tang*nang Breakers 'yan! Patayin ko kaya sila?

"Bilisan mo!" Sigaw ko.

"P*ta. Pareho tayong mamamatay nito!"

Pero mas binilisan naman niya ang pagpapaandar ng motor.

Pagkarating namin sa Danger Zone #25 ay napakaraming tao.

Napakaraming taong nagbubugbugan.

Marami na akong nakitang nakahiga. Hindi pa naman sila patay, sobrang tindi lang ng pagkakabugbog.

Tumulong naman kami agad. Para talaga silang assassins. Ang galing nilang gumamit ng armas.

Nasa labas pa lang kami ng building. Hindi kami makapasok sa dami ng Breakers.

Tang*na. Kailangan ko silang iligtas!

Sizzi's Punch

Minulat ko ang mata ko. Pero wala akong makita masyado kasi malabo ang paningin ko. Hinintay ko naman na luminaw ang paningin ko.

Nakita ko sina Rica na walang malay at may tali ang kamay at paa.

Nakatali rin ang kamay at paa ko pero hindi ibig sabihin no'n ay hindi na ako pwedeng gumalaw.

Umupo ako para maabot ng kamay ko ang tali sa paa ko. Mahigpit ang pagkakatali pero natanggal ko naman.

Tinanggal ko rin naman agad ang mga tali nina Rica saka ko sila ginising.

Bakit kasi dinamay pa sila rito? Wala naman silang kinalaman sa group fights.

Sigurado akong Breakers ang kumuha sa amin kanina.

"Please, sa likuran ko lang kayo, okay? Kapag may nakita kayong naka-mask, sumigaw kayo o tumili okay?" Sabi ko sa kanila. "Don't worry, ilalabas ko kayo rito."

Kinuha ko naman agad ang pin ni Ericka para mabuksan ang lock. Dahan-dahang kong binuksan ang pinto at dinampot ko agad ang baseball bat na nakita ko.

Pagkabukas ko pa lang ng pinto ay may bumungad na agad sa aming limang lalaki. Napatumba ko naman agad sila.

Ang dami kong naririnig na nagmumura. Mukhang nandito ang lahat ng kasali sa group fights.