PHATEENJIDDAH

page 25

Phaty fitowa tayi a fusace ta rufe murfin k'ofar motar ji kake gagammmm, tsayawa tayi tana jiran taga wani ishashshanne zai fito daga cikin motar, Dija tagani ta fito taci uban k'ananan kaya tana taunar cingum, Phaty kallanta tayi shek'ek'e kamar wacca taga kashi, Hajiya Aina'u ce itama ta fito, kana ganinsu kaga tantiran 'yan bariki, Phaty kallansu tayi tana musu kallan k'ansk'anci, tsaki tayi ta juya zata shiga Motarta, bata ankara ba taji an ruk'o hannunta, kallan hannunta tayi sannan ta duba ubanda ya rik'eta, Hajiya Aina'u tagani, fizge hannunta tayi tace mama dan ALLAH ki rabu dani tun muna shaidan juna dan daga ganin alamun ba azziki bane ya kawoku gurina, shiyasa nace dan ALLAH gwara mu rabu ta azziki.

Kallanta Hajiya Aina'u tayi sannan ta mulmulo wani ashar tace "Dama an fad'a maki azziki ne ya kawomu gurinki, kinga nai miki kala daa masu zuwa wurinki da azziki, to bari na fad'a maki wallahi, tallahi, kinji na rantse miki inhar baki fita daga harkar Umar ba to wlh zakiyi da kinsanin saninsa a fad'in duniyarnan, wlh ki fita daga harkanshi, Umar yafi k'arfiki har abada, idan har kuma kikace zaki shiga zabgarshi to wlh na lahira saiya fiki jin dad'i, karkiyi tunanin barazana nai miki, wannan ba k'aramin aikina bane, tass zan iyayin abunda yafi haka  nadai fad'a maki, idan kunne yaji to kisani gangar jiki ta tsira"

Juyawa sukayi sukabar wurin, har Dija zata bud'e k'ofa Phaty ta d'aga muryarta tana musu magana tace "Nace ba, duk wata barazanar da zakuyimin to kusani ALLAH ya fiku, kuma barina fad'a maki ba a raba hanta da jini, ko kin ta6a ganin an raba hanta da jini?, to kisani nida Umar tamkar hanta da jinine, ki rubuta ki ajiye, nida Umar harda jikoki zamu ajiye miki, wato jikokin kishiyarki, kuma wlh duk wacca ta k'ara zuwa wurina da zimmar yimin warnning to ku sani wlh saina saka 'yan dabana sun ma mata bille a fuska duk girman mutum, tunda mutum bai ruk'e girmansa ba"

Phaty shigewa cikin motarta tayi ta bad'a musu k'ura tabar wurin.

Hajiya Aina'u kuwa wani ashar taita mulmulawa tanata faman ruwan bala'i, kamar mahaukaciya haka ta koma akan titi, Dija zuwa wurinta tayi ta ruk'ota tana cewa "Aunty barni da 'yar iskar yarinyarnan wlh damu take zance mu zata tozarta, wlh zatasan ta ta6aki"

Hajiya Aina'u tace "Dallah matsa ki bani wuri, da mukazo wurin ba abayana kika tsaya ba sai kace k'anwar uwarki nakema fad'a, shine yanzu zaki zomin da wani zance wai zaki ramamin, ki barni da ita wlh sai tasan ta gasamin magana, yanzu kar mu wuce gida kaini wurin malam mai yanzu-yanzunnan wlh zatasan ta ta6ani"

Dija kallan Hajiya tayi tace "Kai Hajiya ke kinsan wacece wannan kuwa?, wlh batada mutunci ko kad'an, na rantse da ALLAH tunda tace zata sa ai mana bille wlh zata aikata, ba k'aramin aikinta bane,  'yanmata nawa tasa akaima bille, wlh batada kirki ko kad'an ai gwara na tsaya a baya, nasani akwai wuk'a a k'ugunta, wannan yarinyarnan komai zata iya aikatawa wlh, nafa santa farin sani"

Banza da ita Hajiya Aina'u tayi, tace " barni da ita, aina fita iya rashin mutunci wlh ita a yanka ta tsaya, ni kuma wlh na fita iya shaid'ananci ki barni da ita wlh"

A fusace Dija taja motar suka bar wurin, Hajiya Aina'u sai zugaga jaraba kawai take tana fad'in Phaty taci mutuncinta kuma tai mata gori, cizan yatsa tayi ta waigo inda Dija take tace "Wlh ba'a ta6a cimun mutuncina ba sai yau, lallai wannan yarinyar ta ta6oma kanta, Dan ALLAH kiyi gaggawar kaimu gidan malam maii yanzu-yanzu karya tafi nijar, ina kyautata zaton yau can ya nufa"

Sosai ran Phaty ya 6aci tuk'i kawai takeyi amma kana ganinta kasan ranta a 6ace yake a fili ta furta cewar "Who dare ar you da zakimin warnning akan Umar, ko kaffara bazanyi ba wannan itace Aina'un daya ban labarinta, ALLAH ka kareni daga sharrinta dan Umar ya fad'amin komai game da ita"

Jiddah kallanta tayi tace "Sis wai wa 'yancan su waye da naga suna maki warnning akan Umar, Beb d'in d'azu kamar nasanta, a ina kika sansu haka?"

Furzar da iska Phaty tayi tace "It's a long story, but zan fad'a maki komai, please kiramin mufyda ki tura mata wannan contact d'in, kice dan ALLAH ta nemomin information akan number d'in, nasan mufyda zata iya coz she's a giftted, please call her"