PHATEENJIDDAH

page 36

*PHTEENJIDDAH*

*MALLAKAR*
*_Ƴar Gafai_*
*(Mum Irfaan)*

*WATTPAD*
*_MumIrfaan_*
 
 

     
                             36

Ba'a d'au lokaci ba ya samu jirgin da zai maidashi kaduna, shidai Dad d'in Phaty hankalinsa kwata kwata bai kwanta ba, yana cikin jirgin amma tunanin duniya ya isheshi, ba abunda yake tunawa sai yanayin dayaga Phaty da Bash addu'a kawai yake ALLAH yasa ba wata d'aya daga cikin 'yayansa bane yana fatan koma wacece ALLAH ya shiryata, dukda yaji Bash ya kirata da 'yar cika amma baya tunanin itace yafi zargin d'aya daga cikin 'yayansa ne dukda zuciyarsa na bashi tabbacin yaransa bazasu taba aikata haka ba agareshi.

Babu jimawa jirginsu ya sauka, mai texi ya samu yahau yayi mai kwatancan inda zai kaishi, basu d'au lokaci ba ya sauka a makeken gidansa, kudi ya ciro a aljihunsa ba tare daya kirga ba ya mikama mai texi din, dosar get din gidan kawai yayi, zuciyarsa sai bugawa take ta karfi da karfi, yana shiga yaga Mom d'insu na zaune a lafiyayyar kujera kirar royal, sallama yayi cikin natsuwa, kasancewar hankalinta naga T.V tana sauraran program d'in da akeyine yasata bataji sallamarsa ba , zuwa yayi kusa da ita ya zauna ya kamo hannunta, a firgice ta waigo tana ganin me gidanta ne yasa tai ajiyar zuciya, cikin wata irin murya mai kashe zuciyar 'yan maza tace "A'a, dama Alhaji baka tafi ba?"

Lumshe idanuwansa yayi kirjinsa na bugawa da karfin gaske yana tsoron kar yasa akira masa yarannan yaga ba daya a cikinsu hakan na nufin dayace ta tafi lagos ba tare da sanin mahaifiyarsu ba, cikin karfin hali yace "Hajiya ina twins suke?"

Hajiya Amina kallansa tayi tace "Lafiya Alhaji kake neman yarannan?, kodai sun maka laifine shine baka sanar dani ba?, koda yake 'yan gwal ne basa laifi a wajenka, suna daki dan dazu najiyo motsinsu"

Cikin dakiya yace "kiranminsu kuma su taho su dukansu"

Mikewa tayi ba tare datace mai komai ba tayi hanyar part d'insu Phaty, tana zuwa tai knocking Jiddah tace "Yess, come in" muryar Mom d'insu ta jiyo tace "Dad d'inku na nemanku dan haka ku taho gabaki dayanku" Tuni cikin Jiddah ya murda gabanta yayi mummunar fad'uwa, dukda tasan Phaty tana asibiti amma da zarar ta fada hankalin Dad d'insu zai tashi, nan take dubara ta fad'o mata ta tashi ta tafi, tana zuwa Dad d'in ya hango mutum dayace ta taho basu biyu ba gabanshi ya fadi, dakewa ya karayi yacema Jiddah "ya naganki ke kad'ai ina 'yar uwar taki?"

Cikin dakewa kamar da gaske tace "Dad, kaima kanka kasan halin Sis akwaita da dad'ewa a wanka kuma naga kamar emergency call ne shiyasa nace bazan iya jiranta ba idan na koma ita taje"

Kallanta Dad d'in yayi kamar tana 6oye wani abu da bataso ya sanyi, cire glass d'in idonsa yayi yace "Jeki jirata idan ta gama ku taho tare na baku 15minutes"

Jiddah kamar ta fad'i gaskiyar inda Phaty taje amma tana tsoron kar hankalin Dad d'insu ya tashi, cikin karfin hali tace "shikenan bari naje na jirata" Jiki ba kwari Jiddah tabar wajan tana tunanin ta kira Phaty kawai ta fad'a mata halin da ake ciki, tana tura d'akin sai taga Phaty a tsakiyar gado ta kwanta hankalinta kwance, murza idanuwa Jiddah tayi tana tunanin ko gizo take mata sai taga ai itace dai a zahiri, zuwa tayi ta d'aka mata duka a bayanta tace "Banza, kinso ki sani a tension sai kizo muje Dad na kiranmu, amma kije ki wanke fuskarki da kafafunki dan nace mai kin shiga wanka, kinga ko bakyaje da kwalliyar aljanunnan a fuskarki ba, muje nu dawo sai kin fadamin inda kikaje kikai wannan kwalliyar, dannasan ba asibiti kikaje ba, nice kika maida asibitin"

Murmushi Phaty tayi ta tashi taje tayi yadda Jiddah tace mata ta fito da karamin towel tana goge fuskarta, doguwar riga ta saka tare da dogon hijab ta kalli Jidda tana murmushi tace  "muje ko, in mun dawo zan baki latest gist"

Cikin jin dad'ii Jiddah tace "Muje d'in, ga dukkan alamu wannan gist d'in mai dad'i ne da ban mamaki"

Phaty wani murmushin ta karayi tace "Kamar kin sani"