Unicode
ယောင်စစ်အနေနဲ့ ပြောရမယ်ဆို မူရွှမ်က တကယ်ကောင်းတဲ့အဖေပဲ။ သူမတောင်းဆိုသမျှကိုလည်း ဖြည့်ဆည်းပေးတယ်။ မေးသမျှကိုလည်းဖြေပေးတယ်။ ဒါပေမယ့် မကြာခဏအချိန်အကြာကြီးအနားယူလေ့ရှိလို့ အကြောတွေကပ်နေတာလားတော့မသိဘူး သူ့မျက်နှာကြီးက အမြဲမာမာတောင့်တောင့်နဲ့ ရေခဲမျက်နှာကြီးဖြစ်နေတတ်တာလေးတစ်ခုပါပဲ။
ဟိုတလောက ယောင်စစ်မေးမိလိုက်တဲ့ သူမရဲ့အစွမ်းနဲ့ပက်သက်တဲ့မေးခွန်းကို ကောင်းကောင်းမဖြေပေးနိုင်ခဲ့လို့ ဒီပျက်ရှင်ဝင်နေတာလားတော့မသိဘူး။ နောက်ပိုင်းသူမမေးသမျှမေးခွန်းတွေကို ကြောက်စရာကောင်းလောက်အောင် ချက်နဲ့လက်နဲ့ တိတိကျကျ လုံးစေ့ပတ်စေ့ရှင်းပြပြီး ဖြေပေးနေတော့ ယောင်စစ်တောင်လန့်လာတယ်
"ဒါကဘာတွေလဲ"
"အစွမ်းတွေအကြောင်း အချက်အလက်တွေလေ" မူရွှမ်က ချက်ချင်းဖြေလိုက်တယ်
"ဒါပေမယ့် ဘာလို့စာအုပ်တွေလဲ" 'ခါတိုင်းဆို ဘာလုပ်လုပ် ကွန်ပျူတာလက်ပတ်တွေနဲ့ပဲအလုပ်လုပ်ကြတာမဟုတ်ဘူးလား'
"ဒါတွေက မင်းနဲ့ပိုပြီးရင်းနှီးမယ်ထင်လို့" မူရွှမ်က ရှင်းပြလိုက်တယ်။ "မင်းရဲ့အစွမ်းက အခုထိမနိုးထသေးဘူးဆိုပေမယ့် ကြိုပြီးလေ့လာထားလည်းမမှားဘူးမလား။ ဒါတွေက စာအုပ်တွေထဲကအကြောင်းအရာတွေကို အကျဉ်းချုပ်ပေးထားတာ"
ယောင်စစ်မျက်လုံးတွေ လင်းလက်သွားတယ်။ မူရွှမ်ယူလာပေးတဲ့စာအုပ်ပုံကြီးကိုကြည့်ရင်း နာမည်တွေကို လှမ်းမြင်ရသလောက်ဖတ်ကြည့်မိလိုက်တယ် <အစွမ်းများ၏မူလရင်းမြစ်နှင့်ဖွံ့ဖြိုးတိုးတက်လာပုံသမိုင်း> <သွေးစုပ်ဖုတ်ကောင်တို့၏အဆင့်မြင့်အစွမ်းများ> <အစွမ်းအသုံးပြုပုံအမျိုးမျိုး> <အခြေခံအစွမ်းအသုံးပြုနည်းလမ်းညွှန်> ပြီးတော့ သောက်ကျိုးနည်းအပုံလိုက်ကြီးရှိသေးတယ်
မနေ့ညက သူမကို ထုံးစံအတိုင်း ဘေဘီလေးလို လာပြီးချော့မသိပ်ပေးနိုင်တာ ဒီစာအုပ်တွေရှာနေလို့ကိုး။ ဒါပေမယ့် ဒါတွေက နည်းနည်းလေးများလွန်းမနေဘူးလား။ မသိရင် ကျောင်းသားရေးရာကနေ ၅နှစ်စာ သင်ရမယ့်ဖတ်စာအုပ်တွေ သွားထုတ်လာသလိုခံစားရတယ်
DU LIEST GERADE
ငါ့ဖေဖေကစကြဝဠာတစ်ခုလုံးရဲ့မင်းသားချောလေးပဲ ( မြန်မာဘာသာပြန် )
Humorကျပ်မပြည့်တဲ့အဖေနဲ့ ကျပ်မပြည့်တဲ့သမီးနဲ့ပေါင်းပြီး တူတူကျပ်မပြည့်ကြတဲ့ဇာတ်လမ်းလေးပါ :3 က်ပ္မျပည့္တဲ့အေဖနဲ႔ က်ပ္မျပည့္တဲ့သမီးနဲ႔ေပါင္းၿပီး တူတူက်ပ္မျပည့္ၾကတဲ့ဇာတ္လမ္းေလးပါ :3 please don't reupload my works :') Myanmar translated by Jue🌸
