Unicode
အဲ့တော့မှပဲ မူရွှမ်သတိရသွားတော့တယ်။ မဟာမိတ်ဘဏ်အကောင့်တွေက နှစ်တစ်ရာလောက်မသုံးပဲပစ်ထားရင် ကဒ်မပိတ်ပဲဘယ်နေလိမ့်မလဲ။ သူ့ရဲ့နှစ်ရာချီတဲ့အနားယူမှုကြီးကနေနိုးလာတာ တစ်နှစ်လောက်ရှိပြီဆိုပေမယ့် နိုးနိုးချင်းထဲက သူ့ဘေဘီလေးကိုသင်ကြားပေးနေရတာနဲ့တင် နည်းနည်းမှမအားတော့ ဒီကိစ္စတွေခေါင်းထဲမထားမိဘူးလေ။ သူငွေပေးချေတာလည်းမအောင်မြင်ရော မူရွှမ်တစ်ယောက်သူ့ရဲ့ကွန်ပျူတာလက်ပတ်ကို စက်ရှေ့ကနေမဖယ်မိဘဲ ကြောင်ပြီးရပ်နေမိတယ်
အဲ့ဒီတော့ စက်ကလည်းတာဝန်ကျေစွာနဲ့ပဲ ငွေပေးချေမှုမအောင်မြင်ကြောင်းကို ဆက်တိုက်အော်ပါတော့တယ်
[သင့်အကောင့်အပိတ်ခံထားရပါသည်]
[သင့်အကောင့်အပိတ်ခံထားရပါသည်]
[သင့်အကောင့်အပိတ်ခံထားရပါသည်]
အဲ့ဒီအသံတွေပြီးတော့ ရှက်စရာကောင်းတဲ့တိတ်ဆိတ်မှုကြီးက ကြီးစိုးသွားပြန်တယ်
._.
ယောင်စစ် မူရွှမ်ရဲ့လက်မောင်းကိုအသာဆွဲလိုက်ရင်း ဖျစ်ညစ်ပြီးပြုံးပြလိုက်တယ်
"အာ...ကျွန်မလုပ်လိုက်မယ်"
ယောင်စစ်လည်း ခုနကမူရွှမ်လုပ်တဲ့အတိုင်းပဲ စက်ရှေ့သွားပြီး သူမရဲ့ကွန်ပျူတာလက်ပတ်ကိုဖွင့်လိုက်တယ်။ ဘုရားသိကြားမလို့ မိုးကြိုးသစ်တောအရှင်ကြီးအလျော်ပေးသွားတာနဲ့လောက်ပါစေလို့ ဆုတောင်းရင်းပေါ့လေ။ မဟုတ်ရင် ဒီ့ထက်ပိုပြီးစောက်ရှက်ကွဲလိမ့်မယ်
တုန်ခါနေတဲ့အသံတိုးတိုးတစ်ခုထွက်လာပြီးတဲ့နောက် အကွက်လေးတစ်ခုထပ်ကျလာတယ်
[VIP အကောင့်ပိုင်ရှင်]
အမ်...!ဒါက ဘာကိုဆိုလိုချင်တာလဲ?
ယောင်စစ် ဘာမှတောင်မတွေးနိုင်လိုက်သေးခင်မှာပဲ သူ့ဘေးကအရောင်းဝန်ထမ်းမလေးရဲ့မျက်နှာက ချက်ချင်းပြောင်းသွားတယ်။ ခုနကပါးစပ်နားရွက်တက်ချိန်တော့မတတ် ပြုံးဖြီးနေတဲ့မျက်နှာကြီးက ရုတ်တရက်သရဲတွေ့လိုက်ရသလို ဖြူရော်သွားတယ်။ ပြီးမှကြောက်လန့်တကြားခါးကျိုးမတတ်ဦးညွတ်လိုက်ရင်းပြောလိုက်တယ်"ကျွန်မတောင်းပန်ပါတယ်ရှင့် အခုချက်ချင်းမန်နေဂျာကိုသွားအကြောင်းကြားလိုက်ပါ့မယ်"
DU LIEST GERADE
ငါ့ဖေဖေကစကြဝဠာတစ်ခုလုံးရဲ့မင်းသားချောလေးပဲ ( မြန်မာဘာသာပြန် )
Humorကျပ်မပြည့်တဲ့အဖေနဲ့ ကျပ်မပြည့်တဲ့သမီးနဲ့ပေါင်းပြီး တူတူကျပ်မပြည့်ကြတဲ့ဇာတ်လမ်းလေးပါ :3 က်ပ္မျပည့္တဲ့အေဖနဲ႔ က်ပ္မျပည့္တဲ့သမီးနဲ႔ေပါင္းၿပီး တူတူက်ပ္မျပည့္ၾကတဲ့ဇာတ္လမ္းေလးပါ :3 please don't reupload my works :') Myanmar translated by Jue🌸
