She [ သူမ ]

Part - 8 [Unicode]

မနေ့ကမေကြီးနှင့်စကားပြောပီးသည့်နောက် မိုးသား အားအင်တွေရှိသွားရသည် ..

'လက်မလွှတ်ဘူးလွှာ .. လွှာဆိုတာက သားအတွတ်ပဲဖြစ်ရမယ်'

အလုပ်ကိုရောက်သည်နှင့်လုပ်စရာရှိသည်များကိုလုပ်နေလိုက်သည် .. 8နာရီခွဲပဲရှိသေးတာကြောင့် ဝန်ထမ်းတော်တော်များများမရောက်လာကြသေးပေ .. ကေသီနှင့်သန္တာသည်ပါမရောက်လာသေးတာကြောင့် မိုးသားတယောက် ဟိုနေ့ကမပီးပြတ်သေးသည့် စာရင်းများအားချုပ်နေကာ တင်ပြရန်အဆင်သင့်ပြင်ဆင်နေလိုက်သည် ..

" ဟယ် မိုးသား အစောကြီးရောက်နေတာလား "

စာရင်းချုပ်လို့ပီးလောက်မည့်အချိန်တွင်တော့ ကေသီနှင့်သန္တာကရောက်လာကြသည် .. မိုးသားကိုတော့ အံ့ဩစွာဖြင့် .. ဟုတ်သည်လေမနေ့ကပြန်သွားသည့် မိုးသား ၏ပုံက နောက်ရက်အလုပ်မလာနိုင်သည့်အသွင်ဖြင့် ..

" အင်း .. ကားချောင်နေတာနဲ့စောရောက်နေတာ "

ကေသီ၏အပြောအားပြန်ဖြေလိုက်ရင်း ရှေ့တွင်ရှိသောနာရီကိုလှမ်းကြည့်လိုက်တော့ 8:50

'လွှာ ဒီနေ့တော့လာမှာပါ'

" မင်္ဂလာပါမမေ "

" အင်းမသူဇာ မနေ့ကထွေထွေထူးထူးမရှိဘူးမဟုတ်လား "

" ဟုတ်မရှိပါဘူး ..ကိုခန့်နဲ့ အန်ကယ်အန်တီတို့လဲပါတာကိုး မင်္ဂလာပါရှင့် "

မသူဇာ၏နှုတ်ဆက်မှုအား မေဝင့်လွှာညီနောက်မှပါလာသည့် ဦးစိုးမိုးလွင်ကအပြုံးဖြင့်တုံ့ပြန်သော်လဲ ဒေါ်ဟန်နီဝေကတော့ အဖက်မလုပ်သည့်အမူယာဖြင့် လှည့်၍ပင်မကြည့် ရုံးဘေးပတ်လည်ကိုသာလိုက်ကြည့်နေသည် ..

မသူဇာ၏အသံကြောင့် ရုံးရှိလူများနှင့်အတူမိုးသားတို့သုံးယောက်ပါ လှမ်းကြည့်ကြသည် ..

" နားနေခန်းကဘယ်မှာလဲ ဒီအပေါက်ဝမှာပဲရပ်နေရမှာလား "

စိတ်မရှည်စွာပြောလာသူကဒေါ်ဟန်နီဝေပင်သူ၏အသွင်မှာ ဒီနေရာတွင်သူသည်အရေးပါပီး အထက်လူကြီးတယောက်ပုံစံလုပ်ပြနေသည် ..