OMG! (mashikyu/mashihoon)

OMG 15 (unicode)

အခန်းတံခါးကိုအမြန်ပိတ်ပြီး ‌တံခါးကိုကျောမှီကာ ထိုင်ချလိုက်သည်။

ဒူး‌ထောင်ထားရင်း လက်နှစ်ဖက်က ခေါင်းကိုလဲကျမသွားစေရန်ထောက်ထားရသေးသည်။

"သူတို့နှစ်ယောက်က ရည်းစားတွေမှ မဟုတ်တာပဲ"

အစ်ကိုက ဘာလို့လိမ်ထားခဲ့တာလဲ?

ဘာလို့ ငါ့ကိုတောင်လိမ်ထားရတာလဲ?

ပြီးတော့..

"ပြီးတော့မှ ရှီဟိုလေးက ဘယ်လိုဆိုပြီး ငါ့ကိုလာမပြောနဲ့.... နင့်ကောင်လေး.."

သေချာတယ်...အစ်ကိုက မာရှီ့ကို သဘောကျနေတာပဲ။

ဒါပေမယ့် ငါခိုင်းတာမှန်သမျှကျတော့ ဘာလို့လုပ်ပေးလဲ....ဘာလို့ ၃ ယောက်အတူရှိနေတိုင်း ငါနဲ့မာရှီ ၂ ယောက်ပဲကျန်ခဲ့ရအောင် စီစဉ်ပေးနေသေးလဲ ..

မဟုတ်သေးဘူး...

အဖြစ်အပျက်တိုင်းကို တစ်ခုချင်းပြန်ဆက်စပ်တွေးကြည့်လိုက်သည်။

မာရှီနဲ့အတူရှိနေရင် ကြည့်တတ်တဲ့အကြည့်မျိုး..

အသေးစိတ်လေးကအစ လိုက်ဂရုစိုက်တတ်တာမျိုး..

ဒါတွေအကုန်လုံးက ညီလေးတစ်ယောက်လိုချစ်လို့လုပ်ပေးခဲ့တာမဟုတ်ဘူးပဲ။

မျက်နှာကို လက်ဝါးနှစ်ဖက်နဲ့ ဆွဲချပြီး ပွတ်သပ်လိုက်သည်။

တကယ်ပဲအစ်ကိုက ဘယ်ချိန်ကတည်းက မာရှီ့ကိုသဘောကျနေခဲ့တာလဲ...

ငါ့ကိုဘာလို့ဘာမှမပြောတာလဲ...

ငါ့ကိုမပြောဘူးဆိုတာ ငါမာရှီ့ကိုသဘောကျနေတာကို သူကအရင်သိသွားလို့များလား...

တကယ်ပဲ အစ်ကိုရာ...ဘာလို့များ...

---

အထက်တန်းအောင်ပြီးနောက်....

'သူအမှတ်တွေဒီလောက်ကောင်းတာကို ဆေးဘာလို့မတက်ရတာလဲ'

'ရှင်ကလည်း ရှင်တောင် မီရဲ့သားနဲ့ ဆရာဝန်လုပ်ခဲ့လို့လား'

အဖေနဲ့အမေတို့အခန်းထဲကနေ ကျယ်ကျယ်ကျယ်ကျယ်နဲ့ထွက်လာတဲ့စကားသံတွေကို ညီအစ်ကိုနှစ်ယောက်က နားထောင်ရင်း ဆိုဖာပေါ်မှာထိုင်နေကြသည်။