OMG! (mashikyu/mashihoon)

OMG 32 (unicode)

'မာရှီဟို'

ပန်းစည်းလိုက်တိုင်းထားရင် သိသာလွန်းတာမို့ တစ်ပွင့်ချင်း ဖြုတ်လိုက်ပြီး ဖန်ဘူးထဲကိုထည့်ပြီး ခြောက်သွားသည်အထိထားလိုက်သည်။

အစ်ကိုဂျီဟွန်းက သူဖွင့်ပြောတဲ့အချိန်မှာ ငြင်းချင်ငြင်းဖို့ ပြင်ထားနိုင်ပါတယ်လို့ပြောပေမယ့် သူ့စိတ်ထဲမှာကတကယ်ငြင်းချင်တာဟုတ်ရဲ့လားဆိုတာ အခုထိဝေခွဲနေဆဲ။

အစ်ကို့ကိုကြိုးစားမေ့ပြီးတဲ့နောက် ဂျွန်ခယူ့ကိုချစ်နိုင်ဖို့ကြိုးစားကြည့်ခဲ့သည်။

အနည်းဆုံးတော့ လူတစ်ယောက်ကိုမေ့နိုင်ဖို့ နောက်လူတစ်ယောက်ကို အသုံးချခဲ့တယ် ဆိုတဲ့ အကြောင်းပြချက်မျိုးနဲ့တော့ အပြောမခံနိုင်။

တကယ်ချစ်မှတွဲမယ်ဆိုတဲ့ စိတ်နဲ့ အချိန်အကြာကြီးယူပြီး လက်ခံခဲ့တာ....

အစ်ကိုပြန်မလာခင်အထိ အကုန်လုံးအဆင်ပြေနေခဲ့တာ...

အစ်ကိုကလည်း သူ့ကိုကြိုက်နေခဲ့တယ်ဆိုတာကိုမသိခင်အထိ အကုန်လုံးအဆင်ပြေနေခဲ့တာ...

နှလုံးမှာ အခန်းလေးခန်းပါရင် သွေးလွှတ်ခန်း နဲ့ သွေးဝင်ခန်း မဟုတ်ဘဲ မာရှီဟို့အတွက်ကတော့ အစ်ကို့ကိုချစ်တဲ့အခန်း..အစ်ကို့ကိုစွန့်လွှတ်လိုက်ရတဲ့အခန်း...ဂျွန်ခယူဝင်လာတဲ့အခန်း...ဂျွန်ခယူပြန်ထွက်သွားတဲ့အခန်းဆိုပြီး လည်ပတ်နေမှာ သေချာသလောက်ဖြစ်နေပြီ။

ဖြစ်နိုင်ရင် ဟိုးအရင်ကနေ့ရက်တွေဆီကိုသာပြန်သွားချင်သည်။

သူလည်း အစ်ကို့ကိုတစ်ဖက်သတ်ချစ်ရင်း ရင်ခုန်ခဲ့ရတဲ့အချိန်..

ညီအစ်ကို ၃ ယောက်လုံးလည်း ပျော်ပျော်ပါးပါးနဲ့ ပွင့်ပွင့်လင်းလင်း ပြောဆိုတိုင်ပင်လို့ရတဲ့အချိန်...

အဲ့လိုအချိန်တွေပြန်ရနိုင်ပါဦးမလား?

၃ ရက် ကြာသွားတဲ့ ပန်းပွင့်လေးတွေကလည်း ခြောက်သင့်သလောက်ခြောက်နေပြီ။

ပိုက်ဆံအိတ်ထဲမှာ ထည့်ထားတဲ့ တစ်ပွင့်တည်းသော ဒတ်ဖိုဒေးပန်းလေးက အစ်ကို့ရဲ့ အငွေ့အသက်လေးလို အဖော်ပြုပေးနေသည်။