OMG! (mashikyu/mashihoon)

OMG 7 (unicode)

'အားလုံးပဲ.. Intern ဆင်းဖို့အတွက် ကုမ္ပဏီတွေ ကျောင်းတွေရွေးပြီးရင် ဒီတစ်ပတ်နောက်ဆုံးထားပြီး ငါ့ကိုပေးပေးကြနော်'

'အိုကေ'

အတန်းခေါင်းဆောင်ဖြစ်တဲ့ ဂျောင်ဝူးက အတန်းရှေ့မှာ အသံကျယ်ကျယ်နဲ့ဆော်ဩတော့ အားလုံးကလည်း လေးတိလေးကန်နဲ့ ပြန်ဖြေရပြန်သည်။

ဘာလို့ဆို တစ်ယောက်မှမစဉ်းစားရသေးတာမို့လို့။

Intern အတွက်စဉ်းစားဖို့နေနေသာသာ စာတမ်းပြုစုဖို့တောင်မအားကြဘဲ အကုန်လုံးကစိတ်ညစ်နေကြပြီ။

'မာရှီ မင်းစဉ်းစားပြီးပြီလား'

ဂျွန်ခယူက အနောက်ကိုလှည့်ပြီး မေးလိုက်သည်။

'စဉ်းစားထားတာတော့ရှိတယ်။ ဒါပေမယ့် မသေချာသေးဘူး။ မင်းရော ဘာလုပ်ဖို့စဉ်းစားထားလဲ'

'အဖေကတော့ သူ့သူဌေးကိုပြောပေးမယ်လို့ပြောတာပေါ့...ငါကတော့ မိဘအကပ်နဲ့ရတဲ့ကောင်လို့အပြောမခံချင်ဘူး'

'တော်လိုက်တာ ငါ့သူငယ်ချင်းက'

မာရှီဟိုကပြောပြီး ဖတ်စာအုပ်ကိုဟိုလှန်ဒီလှန်လုပ်နေသည်။

မာရှီဟို သူ့ကိုစကားသိပ်မပြောတာ ဒီနေ့နဲ့ဆို ၂ ပတ်လောက်ရှိပြီ။

သူနေမကောင်းဖြစ်ပြီးတဲ့နောက်နေ့ကတည်းက အရင်လိုမဟုတ်တော့။

သူကပဲစိတ်ထင်လို့လား....တကယ်ပဲသူကရှောင်နေတာလား

ရှောင်နေရင်ရောဘာလို့လဲ...

'မာရှီ'

'အင်း'

'ကျောင်းဆင်းရင် ရေခဲမုန့်သွားစားကြမလား...မင်းကြိုက်တဲ့ဆိုင်မှာလေ'

'ဒီလောက်အေးနေတာကို မင်းကလည်း ဘာရေခဲမုန့်လဲ'

သေချာပြီ။ အရင်ကဆို ရေခဲတောင်သွားရင်တောင် ရေခဲမုန့်ယူသွားမယ့်သူမျိုးက အခုဆောင်းအေးအေးလေးမှာ ရေခဲမုန့်စားမယ်ဆိုတာ မစားဘူးတဲ့လား။

သူရိပ်မိသွားလို့လား....ငါအဲ့နေ့ကပြောလိုက်တာကိုသူသဘောပေါက်သွားတာလား

ဒါမှမဟုတ်...ငါအဲ့တစ်နေ့ပဲပြောပြီး...နောက်နေ့တွေကျ အေးအေးဆေဆေး ဘာမှမဖြစ်သလိုနေမိလို့လား...