ဖူကူအိုက ကိုရောက်ပြီးတဲ့နေ့ကတည်းက ဂျွန်ခယူတစ်ယောက်အလုပ်တွေများနေသည်။
အတူနေမယ့် သူငယ်ချင်း ၃ ယောက်က ဂျွန်ခယူ့ကို နေရာအနှံ့လိုက်ပြနေသည်။
တစ်ပတ်နဲ့တင် ဖူကူအိုက ကို နေရာတစ်ခုမကျန် အလည်သွားပြီးသလောက်ပင်။
ဘယ်သွားချင်ရင် ဘယ်ဘူတာရုံမှာဆင်းဆိုပြီး မှတ်ထားတဲ့စာအုပ်ကလည်း တစ်အုပ်အပြည့်။
ဒီကြားထဲ ဂျပန်လိုကလည်း 'မင်္ဂလာပါ' နဲ့ 'ချစ်တယ်' လောက်သာ ရသည့်အတွက် နေ့စဉ်သုံးစကားပြောက ကျက်ရသေးသည်။
ဒီလိုစာကျက်ရတဲ့အချိန်တွေဆို မာရှီဟို့ကိုသတိရသည်။
တစ်နေ့ တစ်လုံးလောက် သူ့ကိုသင်ခိုင်းလိုက်ရမှာဆိုပြီး နောင်တတွေရသည်။
ဒီနေ့အတွက်အလုပ်ကတော့ ပန်းခြံထဲက ကလေးကစားကွင်းကို ပြန်လည်တည်ဆောက်ရေးလုပ်ချင်တဲ့အတွက် ဒီဇိုင်းပြန်ဆွဲပေးပါလို့ တာဝန်ပေးလာသည့်အတွက် ပန်းခြံထဲကိုရောက်နေသည်။
အဖွဲ့ထဲက ၄ ယောက်နဲ့ နေရာခွဲလိုက်ပြီး တာဝန်ကျရာနေရာကို တစ်ယောက်စီသွားလိုက်သည်။
ဂျွန်ခယူက ကြောက်စရာမိုးပျံယာဉ်ကြီးများရှိတဲ့ကွင်းကိုကျသည်။
မိုးပျံရထားတို့..ပင်လယ်ဓားပြတို့...ရေလွှာလျှောစီးတို့...အထက်သွားအောက်ပြန်ကျတို့...
ကြည့်တာနဲ့တင် ကြက်သီးထသည်။ ဘယ်လိုလူမျိုးတွေကများဒါမျိုးမကြောက်မရွံ့စီးရဲပါလိမ့်။
ဪ...မာရှီပဲ...သူဆိုဒါမျိုးတွေတအားစီးတာ။
လူသွားလမ်းဘေးက ခုံမှာထိုင်ပြီး အအေးသောက်ရင်း ပုံကြမ်းအရင်ကြည့်လိုက်သည်။
'အင်း...ဒီနေရာက သူတို့လိုချင်တာက ဒီလိုပုံဆိုတော့'
စကားပြောလိုက် ပုံကြမ်းဆွဲလိုက်နဲ့ တစ်ယောက်တည်းအလုပ်များနေသည်။
ခဲတံကိုင်လိုက် အကြမ်းခြစ်လိုက် အအေးသောက်လိုက် နဲ့ လုပ်နေရင်း သောက်နေတဲ့ အအေးကုန်သွားမှန်းတောင်မသိလိုက်။
YOU ARE READING
OMG! (mashikyu/mashihoon)
أدب الهواةရိုးရှင်တဲ့သုံးပွင့်ဆိုင်အချစ်ဇာတ်လမ်းလေးတစ်ပုဒ်ပါပဲ။ ဒါပေမယ့်အချစ်ဆိုတာကတော့ ဘယ်တော့မှမရိုးရှင်းပါဘူး... ႐ိုးရွင္တဲ့သုံးပြင့္ဆိုင္အခ်စ္ဇာတ္လမ္းေလးတစ္ပုဒ္ပါပဲ။ ဒါေပမယ့္အခ်စ္ဆိုတာကေတာ့ ဘယ္ေတာ့မွမ႐ိုးရွင္းပါဘူး...
