OMG! (mashikyu/mashihoon)

OMG 2 (unicode)

Tutorial ဖြေရမယ့်နေ့မို့ လူတိုင်းက ဖြေရမှာတွေကို နာရီပိုင်းအတွင်း အမြန်အလွတ်ကျက်နေကြသည်။

၁၀ နာရီမှာဖြေရတော့မှာဆိုပေမယ့် ဂျွန်ခယူတစ်ယောက်အခုထိကျောင်းရောက်မလာသေး။

အင်း.. ၉ နာရီတောင်မခွဲသေးဘူးဆိုတော့လည်း ဘာမှမဖြစ်လောက်ပါဘူး...

မာရှီဟိုကတွေးလိုက်ပြီး စာပြန်ဖတ်နေလိုက်သည်။

အမြဲတမ်းအတူတူသွားနေကြကို ဒီနေ့မှ အိပ်ရာထနောက်ကျလို့ဆိုပြီး အရင်သွားခိုင်းလိုက်သည်။

အိပ်ရာထနောက်ကျရအောင် သူညကဘာလုပ်နေလို့လဲ။

အစ်ကိုဂျီဟွန်းနဲ့ညကဘာတွေများလုပ်နေကြပါလိမ့်။

ဒီညီအစ်ကိုတွေမဟုတ်တာတွေများလုပ်....အာ တကယ်ပဲ စာကျက်ရပါမယ်ဆိုမှ...

များများတွေးလိုက် စာပြန်ကျက်လိုက်လုပ်နေရင်းနဲ့ ၁၀ နာရီထိုးဖို့ ၁၅ မိနစ်သာလိုတော့သည်။

ဖုန်းခေါ်လိုက်သည်။

တစ်ခါခေါ်မကိုင်။

နှစ်ခါခေါ်လည်းမကိုင်။

'Jeongwoo ဆရာမလာရင်လေ ဂျွန်ခယူလမ်းမှာကားပျက်လို့ကြာနေတယ်လို့ပြောပေးနော်.. ငါလည်းသူ့ကိုသွားခေါ်တယ်လို့ပြောပေး... ၁၀ မိနစ်လောက်ပဲကြာမယ်လို့နော်'

မာရှီဟိုက အတန်းခေါင်းဆောင်ဖြစ်တဲ့ ဂျောင်ဝူး ကိုပြောလိုက်ပြီး ဖုန်းယူကာ ကျောင်းဂိတ်ဝဆီပြေးသွားလိုက်သည်။

'ဖုန်းကဘာလို့မကိုင်ရတာလဲ' ဖုန်းဆက်ရင်းလက်သည်းကလည်း ကိုက်ထားမိသေးသည်။ ဒါသူစိတ်လှုပ်ရှားနေတိုင်းလုပ်တတ်တဲ့အကျင့်တစ်ခု။

နောက်အကျင့်အတစ်ခုက ခြေထောက်နှစ်ဖက်ကိုတစ်ဖက်စီခုန်ဆွခုန်ဆွလုပ်နေတာ။

ဖုန်းဆက်နေရင်း တစ်ကိုယ်လုံးအငြိမ်မနေနိုင်အောင်လှုပ်စိလှုပ်စိဖြစ်နေတော့သည်။

ကားဂိတ်က ကျောင်းနဲ့နည်းနည်းဝေးသေးတော့ ကားဂိတ်ဆီပဲပြေးသွားလိုက်သည်။

ဒီကောင်တကယ်ပဲဘာဖြစ်နေတာလဲ... အာ ဟုတ်သား အစ်ကိုဂျီဟွန်းဆီဆက်ရမယ်။