OMG! (mashikyu/mashihoon)

OMG 35 ( unicode - End)

နွေဦးရဲ့မနက်ခင်းက နေရောင်ခြည်တွေဖြာမနေဘဲ တိမ်ဖုံးနေသည်။ မိုးတိမ်တစွန်းတစကိုလည်းတွေ့ရသည်။

မိုးတွေများရွာတော့မှာလား?

ဪ....မိုးကောင်းကင်ကနတ်မင်းကြီးက ဒီနေ့တစ်စုံတစ်ယောက်ရဲ့စိတ်အခြေအနေကိုသိနေပုံရသည်။

ဒီနေ့မှာ လူနှစ်ယောက်က မတူတဲ့လမ်းနှစ်လမ်းကိုသွားရလိမ့်မည်။

တစ်ယောက်ကတော့ အဖော်နဲ့အတူသွားပြီး နောက်တစ်ယောက်က တစ်ကိုယ်တည်းသွားရလိမ့်မည်။

သူကတော့ အဆုံးအဖြတ်ပေးရတော့မည့် တရားသူကြီး။

လမ်းခုလတ်မှာလွဲချော်ခဲ့ပေမယ့် မပြောင်းလဲသေးတဲ့ နှလုံးသားကို တစိုက်မတ်မတ်ယုံကြည်ထားသည်။

သူတို့နှစ်ယောက်ကတော့ အစောကြီးကတည်းက သွားနှင့်နေလောက်ပြီ။

မာရှီဟိုက တက္ကစီကားပြီး ထွက်လာလိုက်သည်။

'လေဆိပ်ဆီသွားပါ ဦးလေး'

မာရှီဟိုကဝင်ထိုင်လိုက်တာနဲ့ ကားဆရာဦးလေးကလည်း တစ်ချိုးတည်းမောင်းတော့သည်။

ရင်ခုန်ခြင်းနှင့်အတူ စိတ်လှုပ်ရှားခြင်းကလည်းရောပါနေသည်။

နောက်ဆုံးတော့ ဒီပြဿနာတွေအကုန်အဆုံးသတ်တော့မှာပါလား?

ကားပေါ်ကနေ အင်စတာဂရမ်ဖွင့်ကြည့်လိုက်သည်။ ဘာတွေများတင်ထားကြဦးမလဲ...

ကျောင်းတုန်းက သူငယ်ချင်းတွေကတော့ သူ့ဟာနဲ့သူ အဆင်ပြေနေကြတာချည်း..

တချို့ကလည်း အိမ်ထောင်ကျလို့ ကလေးတွေနဲ့ပျော်ပါး..

တချို့ကလည်း နိုင်ငံခြားတွေမှာ အခြေချပြီး ဘောစိတွေဖြစ်..

တချို့ကလည်း ရတဲ့အလုပ်လေးနဲ့ သာမန်ဘဝမှာတင် ပျော်အောင်ရှာကြံနေကြ...

အဆင်ပြေနေတဲ့သူတွေကိုပဲ တွေ့ချင်မိတာမို့ Newfeed ကိုပွတ်နေရင်း စိတ်မကောင်းစရာတွေ မတွေ့ပါစေနဲ့လို့ဆုတောင်းနေမိသည်။

1 hr ago...ဆိုတဲ့ ပို့စ်တစ်ခု...

'ကံကောင်းပါစေ ငါ့သူငယ်ချင်း...safe flight'