OMG! (mashikyu/mashihoon)

OMG 19 (unicode)

'အေး အဲ့မှာ ကြောင်နေလိုက်ဟေး...ချီးတဲ့မှပဲ'

လက်တော့ရဲ့အဖုံးကိုဘုန်းကနဲပိတ်ချလိုက်ပြီး လူကကုတင်ပေါ်ကို ပစ်လှဲလိုက်သည်။

'ချီးပဲ...အစ်ကိုကအသစ်ပေးခဲ့လည်း ငါ့လက်ထဲရောက်ရင် ပျက်တာပဲ...ငါ့လက်နဲ့ထိ အကုန်ဂိ ပဲ'

ခေါင်းအုံးကိုလက်သီးနဲ့ထပ်ခါထပ်ခါထိုးရင်း ဒေါသစိတ်ကိုဖြေဖျောက်နေရသည်။

အစ်ကိုဂျပန်သွားတဲ့နေ့ကပေးခဲ့တဲ့လက်ဆောင်အိတ်ထဲမှာ စာရွက်လေးတစ်ခုရှိခဲ့သည်။

၁၀၁၅၂၀၁၉ တဲ့။

ရက်စွဲတစ်ခုဆိုတာသေချာပေမယ့် အဲ့နေ့ကထူးထူးဆန်းဆန်းဖြစ်ခဲ့တာဆိုလို့ ၂၀၁၉ ရဲ့ ပထမဆုံး နှင်းကျတဲ့နေ့ဆိုတာကလွဲပြီး ဘာမှမဖြစ်ခဲ့။

အစ်ကိုကနှင်းတွေကိုချစ်တတ်တာများလား...

နံပါတ်အောက်မှာ စာရေး ထားခဲ့သေးသည်။

'အစ်ကိုဝယ်ထားတာမကြာသေးတဲ့ Laptop ကိုမင်းအတွက်ထားခဲ့တယ်။ အစ်ကိုတောင်သိပ်မသုံးရသေးဘူး။ မင်းလက်ထဲရောက်မှပျက်သွားရင်တော့မသိဘူးနော်' တဲ့။

အစ်ကိုစိတ်ပူနေခဲ့တဲ့ ကိစ္စက လွန်ခဲ့တဲ့ ၂ နှစ်ကလည်းကဖြစ်နေခဲ့တာဆိုပေမယ့် ဒီနေ့ကတော့ နည်းနည်းပြဿနာကြီးသည်။

အပြီးရင်ရမယ့် အလုပ်ရှိနေပါတယ်ဆိုမှ ထကြောင်နေလိုက်။

လက်တော့ကို အိတ်ထဲထည့်ပြီး အိမ်ပေါ်ကနေပြေးဆင်းလိုက်သည်။

တစ်ဖက်အိမ်ကို သူ့အိမ်လို နံပါတ်နှိပ်ပြီး တံခါးဖွင့်ဝင်လိုက်သည်။

အပေါ်ကိုပြေးတက်ပြီး ဂျွန်ခယူ့အခန်းကိုတံခါးခေါက်လိုက်သည်။

'ဟေ့ကောင် ဂျွန်ခယူရေ...အိပ်ပျော်နေရင်လည်း ထပါကွ'

'ဟင်'

အိပ်ချင်မူးတူးနဲ့ တံခါးလာဖွင့်တော့ ဆံပင်ကစုတ်ဖွား... လူကသန်းနေသေးသည်။

ခေါင်းကိုကကုတ်လိုက်သေး။

'ဖယ်..ငါအရေးကြီးကိစ္စပြောစရာရှိလို့'