OMG! (mashikyu/mashihoon)

OMG 9 (unicode)

'စောစောကသီချင်းနာမည်ကဘာလဲ'

ဂျီဟွန်းကမေးလိုက်တော့ မာရှီဟိုကိုယ်တိုင်လည်း မျက်လုံးလေးပြူးသွားသည်။

ဘေးမှာရပ်နေတဲ့ ဂျွန်ခယူကလည်း ဘာလဲဟ ဆိုတဲ့သဘောနဲ့ သူ့အစ်ကိုကြည့်လိုက်သည်။

'သီချင်းနာမည်လား'

မာရှီဟိုကပြန်မေးလိုက်တော့ ဂျီဟွန်းက ခေါင်းညိမ့်ပြသည်။

'နေပါဦး ဒါလေးကဘာအရေးကြီးလို့ ဒီထိပြေးလိုက်လာပြီး အသည်းအသန်မေးရတာလဲ' ဂျွန်ခယူကလက်ပိုက်ထားရင်း မျက်မှောက်ကျုံ့နေပြီ။

မာရှီဟိုက ဂျွန်ခယူ့ဘက်ကိုလှည့်ကြည့်လိုက်တော့ ဂျွန်ခယူက ပုခုံးတွန့်ပြသည်။

'ဟျောင်း..ဘယ်သီချင်းစာသားကိုမှတ်မိလဲ'

'အင်း....ဝမ်းနည်းပက်လက်နဲ့အိမ်ပြန်ရတော့မယ်ထင်ပါတယ်။ ငါကမင်းနဲ့ထပ်ရှိနေချင်သေး...တာ...ကို'

ဖြေရင်းနဲ့ ဂျွန်ခယူ့ဘက်ကိုကြည့်မိတော့ အသံကတဖြည်းဖြည်းတိုးဝင်သွားသည်။

တကယ်လည်း ဒီစာသားတစ်ခုတည်းကြောင့် လိုက်လာခဲ့တာ..

တခြားဘာသဘောမှမရှိဘူး ။ ဒါပေမယ့်...ငါကမင်းနဲ့ထပ်ရှိနေချင်သေးလို့....

'အစ်ကိုကလည်း အဲ့တစ်ကြောင်းတည်းလား.........ခဏလေး နည်းနည်းတောင်မှောင်သွားပြီပဲ'

မာရှီဟိုကကောင်းကင်ကိုမော့ကြည့်ရင်းပြောလိုက်သည်။

'အင်းနော် .. စောစောကတင် လိမ္မော်ရောင်လေး ပြေးနေသေးတာကို' ဂျွန်ခယူကလည်း ကောင်းကင်ကိုမော့ကြည့်ရင်းပြန်ပြောလိုက်သည်။

လိမ္မော်ရောင်ကောင်းကင်အောက်မှာ ဖွင့်ပြောမယ့် အကြံလည်းပျက်ပါပြီ။

အခုလို မဲမဲသဲသဲ နေလုံးပျောက်ချိန်မှာသာဖွင့်ပြောမိရင် ပြန်ရမယ့်အဖြေကလည်းမည်းမှောင်နေလောက်တယ်။

ဒီလိုမျိုးအယုံအကြည်တော့မရှိပေမယ့် ယုံလိုက်တာလည်းအကျိုးတော့မယုတ်တာမို့လက်ခံလိုက်ရပြီ။

'အိုရန်ဂျီ'

မာရှီဟိုကလည်း နေလုံးပျောက်နေပြီဖြစ်တဲ့ အနောက်ဘက်ကောင်းကင်ကိုကြည့်ပြီးပြောလိုက်သည်။