OMG! (mashikyu/mashihoon)

OMG 24 (unicode)

'ဒီနေ့လာပေးတဲ့သူတွေအားလုံးကိုကျေးဇူးတင်ပါတယ်....နောက်လည်းအခုလိုပွဲတွေအများကြီလုပ်နိုင်အောင်ကြိုးစားပါ့မယ်။

ကျွန်တော်လည်းဆက်ပြီးကြိုးစားနေဦးမှာမို့ ကျွန်တော့်ပရိသတ်တွေလည်း ဆက်ပြီးအားပေးနေပါဦးနော်'

Se7en က နှုတ်ဆက်စကားပြောလိုက်တာနဲ့ ပရိသတ်တွေအကုန်လုံးက lightstick ထောင်ပြီး အားရပါးရ ပြန်ပြောပြီး အားပေးကြသည်။

မာရှီဟိုကလည်းဘေးကနေ 'နဲ~~' ဆိုပြီး အကျယ်ကြီးအော်သည်။ ဒီကောင်လေးကလူကောင်သာသေးတာ အသံကတော့ ကိုရီးယားတစ်နိုင်ငံလုံးကြားအောင် အော်နိုင်သည်။

ရှပ်အပွလက်တို ခရမ်းရောင်လေးဝတ်ထားပေမယ့် ခုန်လိုက်ပေါက်လိုက်ဆိုတော့ ချွေးတွေရွှဲနေသည်။

ဘေးကကြည့်နေတဲ့သူကတော့ သူ့နားထင်ကနေစီးကျနေတဲ့ ချွေးတွေကိုမြင်နေရသည်လေ။

ဂျီဟွန်းက တစ်ရှူးထုတ်လိုက်ပြီး မာရှီဟိုရဲ့ နားထင်ကနေ ပါးအထိ အသာလေးတို့ရင်းသုတ်ပေးလိုက်သည်။

'ကျေးဇူးတင်ပါတယ်' မာရှီဟိုကပြောပြီး ဂျီဟွန်းလက်ထဲက တစ်ရှူးကို ယူလိုက်သည်။

'ရတယ် မယူနဲ့ အစ်ကို့လက်ထဲမှာကိုင်စရာဘာမှမရှိလို့ သုတ်ပေးတာ'

ဂျီဟွန်းက ချွေးသုတ်ပေးပြီးတစ်ရှူးကို ပြန်ယူလိုက်သည်။

'ဟိုမှာ se7en se7en'

ဂျီဟွန်းက မာရှီဟို့ကိုလက်တို့ပြီး အမြန်ပြောတော့ မာရှီဟိုလည်းအာရုံပြောင်းသွားပြီး ဘေးကလမ်းကြားထဲကိုကြည့်လိုက်သည်။

se7en က သူတို့ခုံဘေးက တန်းထဲကိုသီချင်းဆိုရင်းဝင်လာသည်။ လက်ထဲကခြင်းထဲကနေ ပန်းနဲ့ အရုပ်လေးတွေကျဲပေးနေသေးသည်။

မာရှီဟိုကလှမ်းယူပါသော်လည်း သူ့ဘက်ကိုကျမလာ။

ကျလာရင်လည်းတစ်ဖက်ထိုင်ခုံပေါ်က ကောင်မလေးတွေက လှမ်းလှမ်းဆွဲလိုက်တာနဲ့ သူမရလိုက်။

တချို့ကောင်မလေးတွေဆို ၂ ခု ၃ ခုလောက်ရသွာသည်။ ဒါပေမယ့် သူတို့က ပြန်မပေး။