OMG! (mashikyu/mashihoon)

OMG 27 (unicode)

အစ်ကိုထွက်သွားတာသိပ်မြန်လွန်းသည်။ ဆိုင်ထဲကနေတတ်နိုင်သလောက်အမြန်ပြေးထွက်လာခဲ့ပေမယ့် ရှာမတွေ့။

ဘယ်ဘက်ကိုထွက်သွားမှာလား..ညာဘက်ကိုထွက်သွားမှာလား?

ဆိုင်ရှေ့မှာ ခြေထောက်ကို ဘယ်ဦးတည်ရာထားရမလဲမသိဖြစ်နေသည်။

အစ်ကိုကတကယ်ပဲဘယ်ကိုအမြန်ပြေးထွက်သွားတာလဲ။

အမြဲတမ်းလူမသိခင် သူအရင်လွတ်အောင်ပြေးတယ်။ သူ့ခံစားချက်ကို သူကိုယ်တိုင်ထက် တခြားသူကအမြဲအရင်ပြောရတယ်။

ပြီးရင် သူများကိုစိတ်ညစ်အောင်အရမ်းလုပ်တယ်။

သူကိုယ်တိုင်ကတော့ သူများအတွက်ဆိုပြီး ကိုယ့်ကိုယ်ကိုယ်ချုပ်တည်းပြီးနေနေပေမယ့် သူများကိုဒုက္ခတွေလိုက်ပေးနေတယ်ဆိုတာကိုရော အစ်ကိုသိရဲ့လား။

အခုလည်းအစ်ကိုကဘယ်ဘက်ကိုထွက်သွားမှန်းမသိဘဲ ဘယ်လိုလိုက်ရှာရမလဲ။

ဖုန်းထုတ်ပြီး ကိုင်မှာမဟုတ်မှန်းသိနေတဲ့ဖုန်းကိုဆက်လိုက်သေးသည်။

'တူ....တူ.....တူ' နဲ့ဖုန်းကဝင်နေပေမယ့် မကိုင်ခဲ့ပါ။ ထင်ထားတဲ့အတိုင်းပါပဲ။

အစ်ကိုဟျောင်ဆော့ပြောတာဆိုရင်‌တော့ မှားစရာအကြောင်းမရှိ။ အစ်ကိုဂျီဟွန်းက သူ့ကိုကြိုက်နေတာတဲ့လား...

ဆိုင်ရှေ့မှာပဲရပ်မနေတော့ဘဲ ခြေလှမ်းကို ညာဘက်ကိုဦးတည်လိုက်သည်။ အိမ်အပြန်လမ်းနဲ့တော့ ပြောင်းပြန်။

လမ်းလျှောက်ရင်းနဲ့ ဂျီဟွန်းကိုလည်းရှာရသေးသည်။ ဟိုဟိုဒီဒီလည်းကြည့်ရသေးသည်။ ဖုန်းကလည်း မကိုင်မှန်းသိလျက်နဲ့ဆက်ရသေးသည်။

'သူကမင်းကိုကြိုက်နေတာလေ' ဆိုတဲ့ စကားက နားထဲမှာတဝဲလည်လည်။

ဂျီဟွန်းကလည်း သူ့ကိုကြိုက်ရဲ့သားနဲ့ ဖွင့်ပြောတုန်းက ဘာလို့ငြင်းခဲ့တာလဲ...

အသိသာကြီးပါပဲ...သူများအတွက်ပဲတွေးတတ်တဲ့ အစ်ကိုက အခုတစ်ခေါက်မှာလည်း သူ့ညီအတွက်တွေးပေးခဲ့မှာပေါ့။

ငါစဉ်းစားတတ်သေးတယ်ဆိုရင် ဂျွန်ခယူကလည်း ဒီကိစ္စကိုသိနေခဲ့တာပေါ့...အစ်ကို့ရည်းစားဆိုတာရော?