OMG! (mashikyu/mashihoon)

OMG 33 (unicode)

ဂျွန်ခယူနဲ့ဂျီဟွန်းတို့ရဲ့ မိဘတွေ မင်္ဂလာနှစ်ပတ်လည်နေ့မို့ ဂုဏ်ပြုတဲ့အနေနဲ့ မိသားစုနှစ်စု ညစာအတူတူစားဖို့ ပြင်လိုက်ကြသည်။

ဘယ်ကမှမမှာပဲ ကိုယ်တိုင်ချက်ပြုတ်ပြီး ဟိုးကတည်းက ခင်လာခဲ့တဲ့ အိမ်နီးချင်းမိသားစုတွေမို့ ပျော်ပျော်ပါးပါး။

မာရှီဟိုကလည်း ဟင်းချက်ဝါသနာပါသူမို့ ဂျွန်ခယူ့အမေကိုလာကူပေးနေသည်။

ဂျီဟွန်းကလည်း ဒီနေ့ ဆိုင်မသွားဘဲ အမေ့ကို တစ်ဖက်ကနေကူနေပေးပြန်တော့ ဂျွန်ခယူလည်းငြိမ်နေလို့မရပြန်။

ဟင်းတော့မချက်တတ်သည့်အတွက် ပဲပင်ပေါက်အမြစ်ထိုင်ဖြုတ်နေရသည်။

တစ်ပင်ချင်းစီကို အမြစ်တစ်ခုချင်း ထိုင်ဖြုတ်နေရသည့်အတွက် အိပ်ငိုက်လာသည်။

'အစ်ကို .. ဟိုမှာကြည့် ဂျွန်ခယူအိပ်ငိုက်နေတယ်'

မာရှီဟိုက အသီးအရွက်တွေဆေးနေတဲ့ ဂျီဟွန်းနားကိုကပ်ပြီးတိုးတိုးလေးပြောတော့ ဂျီဟွန်းက အနောက်ကိုလှည့်ကြည့်လိုက်သည်။

ဂျွန်ခယူ့ပုံက စိတ်ပျက်လက်ပျက်နဲ့ အိပ်ပျော်တော့မယ့်ပုံပေါက်နေတာမို့ကြည့်ပြီးရယ်လိုက်မိကြသည်။

မာရှီဟိုက ဂျွန်ခယူ့အမေနားရောက်သွားပြီး ဟင်းအိုးအရသာသွားမြည်းပေးနေသည်။

ည ၈ နာရီအရောက်မှာတော့ စားသောက်ပွဲကြီးအဆင်သင့်ဖြစ်ပါပြီ။

'မင်္ဂလာနှစ်ပတ်လည်နေ့ကိုဂုဏ်ပြုပါတယ်ရှင်'

မာရှီဟိုရဲ့အမေက ဂျွန်ခယူ့အမေကို ပန်းစည်းပေးရင်း ဂုဏ်ပြုစကားပြောလိုက်သည်။

ထို့နောက်နေရာယူပြီးထိုင်လိုက်ကြရင်း ညစာစားကြသည်။

မာရှီဟိုတို့မိသားစုက စားပွဲရဲ့တစ်ဖက်မှာ ..ဂျွန်ခယူတို့မိသားစုက နောက်တစ်ဖက်မှာ။

မာရှီဟိုရဲ့မျက်နှာချင်ဆိုင်မှာက ဂျွန်ခယူ။

'ရှီဟို ထည့်စားနော်...သား ရှီဟို့ကိုထည့်ပေးလိုက်ဦးလေ'

အန်တီကပြောတော့ သားနှစ်ယောက်က သူ့အမေဘက်ကိုလှည့်ကြည့်ကြသည်။