OMG! (mashikyu/mashihoon)

OMG 8 (unicode)

'အွန်း...ဝါကရု...ဒဲမို..အိဆု?'

'ဆိုးကာ....မိုး..ကားဆန် မို တိုးဆန်မို  ရှိရနအိ'

'အွန်း...အိုရဆုမိ'

ဖုန်းပြောပြီးတော့ ဂျီဟွန်း လက်တော့ကိုပိတ်ပြီးခုံအနောက်ကိုမှီရင်းအကြောဆန့်လိုက်သည်။

မျက်လုံးဖွင့်ကြည့်လိုက်တော့ တံခါးနားမှမတ်တပ်ရပ်နေတဲ့ ဂျွန်ခယူ့ကိုတွေ့လိုက်ရသည်။

'အာ..ဂျွန်ခယူ'

'ဖုန်းပြောပြီးပြီလားဗျ'

'ဟားဟား...လာလေ ဘာကိစ္စလဲ'

ဂျွန်ခယူက ကုတင်ပေါ်မှာထိုင်ချလိုက်သည်။ ထိုင်စရာကလည်း ဒီတစ်နေရာပဲရှိတာမို့။

'အစ်ကို ဂျပန်စကားကတော်တော်ကျွမ်းနေပြီပဲ..နားထောင်ကြည့်ရတာမွှတ်နေတာပဲနော်'

'အင်း...အမှန်တော့ မာရှီက သူအားတိုင်း ဆိုင်ကိုလာတယ်မလား။ အဲ့ကျရင် သူ့ကိုသင်ပေးရတာမဟုတ်ဘူး။ သူက ငါ့ကိုပြန်သင်ပေးနေရတာ' ဂျီဟွန်းက ပြောလည်းပြော ရယ်လည်းရယ်လိုက်သေးသည်။

'ဒီနေ့လာတာလည်း သူ့အကြောင်းပြောဖို့ပဲ'

'ဟုတ်လား ပြောပါဦး'

ရှီဟို့အကြောင်းမို့ နားထောင်ချင်ပေမယ့် ဂျွန်ခယူကပြောမယ့်အကြောင်းဆိုရင်တော့ သူနဲ့ပတ်သက်တဲ့အကြောင်းပဲဖြစ်လိမ့်မည်။

'အစ်ကို..အစ်ကို့စိတ်ထဲမှာလေ မာရှီက ကျွန်တော်ကြိုက်ရင်ပြန်ကြိုက်မယ့်သူလို့ထင်လား'

ခဏတွေးပြီး စဉ်းစားနေဟန်ဆောင်လိုက်ပေမယ့် တကယ်တမ်းက အဖြေကိုပါးစပ်ကနေထုတ်မပြောနိုင်လို့ အချိန်ယူနေခြင်းသာ..

၁ မိနစ်လောက်တိတ်နေပြီးမှ

'အင်း...ထင်တာပေါ့....ချက်ချင်းမဟုတ်ရင်တောင်...မင်းကဖွင့်ပြောပြီး သူ့ကိုစိတ်ပါလာအောင်လုပ်ရင်တော့ ပြန်ကြိုက်မှာပါ'

'ဟုတ်တယ်နော်..ဟုတ်လောက်မှာပါနော်...ဘာလို့လဲဆိုတော့..'

'အင်း...ဘာဖြစ်လို့လဲ'

'သူကပြောတယ် သူကြိုက်တဲ့သူရှိတယ် ကြာပြီတဲ့...ဒါပေမယ့် သူလုံးဝဖွင့်မပြောတော့ဘူးတဲ့...အဲ့လူကသူ့ကိုပြန်ကြိုက်မှာမဟုတ်ဘူးဆိုတာသေချာလို့တဲ့'