خطأ طبي

Part2

داليا
اليوم اول يوم امتحانات نص السنة والدنيا باردة كلش فتت للامتحان كلش مرتبكة طبعا كل امتحان لازم ارتبك حتلو ضابطة المادة 😅 كملت امتحان وطلعت اني وصديقاتي نشوف شلون جاوبنة

يسر: عفية ليش هيج الاسئلة صعبة كلشي معرفت اجاوب
هند: اي والله حيل صعبة
داليا: اني مدااعرف احدد مشاعري لاهية صعبة ولا هية سهلة
يسر: دباع هاي ام المشاعر ليش انتي هم عندج مشاعر
داليا: هم صدك 😂
امشو نروح ناكل كلش جعت صرفت طاقتي كلهة بالامتحان

دنمشي متوجهين لكافتريا ودالعب بالتلفون ممنتبهة دفتري انضرب بشخص وكع من ايدي
داليا : سوري ممنتبهة واخذت الدفتر بدون مااباوع على الولد
ايسر : بصوت ناصي ثولة
داليا: رفعت راسي بابتسامة عادي فرق اخلاق اني اعتذرت منك وانت اجاوزت
ومشيت باتجاه القاعة بدون مالتفت مرة لخ
يسر: شكد قليل ادب
هند: مبين شكلة محترم بس المضاهر خداعة
داليا :عادي ترة احنة بكلية لامة كل الناس من كل مكان كل يوم تنصدمون بشخص
هند:بس وربي شكلة حلوو لكمم صاك لوما اخلاقة طايح حظهة
يسر:بضحكة اني اموت بالباد بوي
داليا: امشي عيني ام الباد بوي

يسار
طلعت من الامتحان ضايج ممجاوب وسيارتي عطلت من الصبح يعني اليوم من بدايتة محلو دامشي بلكلية وضربتني بنية بدفترهة وتأذت ايدي كتلهة ثولة بصوت ناصي متوقعت سمعتني بس صدمني الرد وشكلهة هم ماشاء الله كلش مرتبة ضجت من نفسي لان مو من اخلاقي اتجاوز على بنية بس صارت بعد ردت اعتذر منهة بس دك تلفوني
يسار: الووو
ياسر: هلو وين انت
يسار: بلكلية  هسة كملت امتحان
ياسر: موتتاخر اليوم عدنة كعدة
يسار: واني شعلية تدري بية مااحب الكعدات والهوسة
ياسر: بلة لغوة ولتتاخر
يسار :يلة باي
ياسر: الله وياك
يسار سديت التلفون بس اليوم مناوي يعدي على خير كلساع اتصير سالفة شنو هالحظ

ياسر طلعت بالـ٧ الصبح رحت للمحل شفت الشغل ورجعت للديوان عدنة كعدة شيوخ ولازم احضر نفسي لان اني الايد اليمنى للوالد مع انو محمد اكبر مني بس من تزوج التهة بيتة وجهالة واني من صغري احب اكون وية ابوية ودائما احضر ويا وبكل كعدة يدز علية  ومينطي رئي او حل بدون ميستشيرني يعني الكل بالكل

داليا رجعت للبيت ميتة تعب ونعسانة
هلاو ماماا شلونجج
مريم: هلة شلون جاوبتي
داليا: الحمد لله
مريم: الحمد لله يلة لعد بدلي ونزلي تغدي
داليا: لاماربد اكلت بلكلية حنام واكعد اقرة
مريم: لعد على شنو داطبخ ومتعبة روحي اذا تاكلون برة
داليا غلست وانسحبت مثل كل مرة

ياسر صارت ساعة بالـ١١ انخبصت اركض منا ومنا محد وياي  اريد الحك ارتب كلشي قبل ميجون العالم محمد ويسار مموجودين عاد خابرت ابن عمي وزوج اختي عمار حتة يجي يساعدني اشرفت على كلشي يلة رحت للبيت سبحت وتحضرت لبست دشداشة عربية ولفيت لشماغ والسبحة والساعة ورحت للديوان اني والوالد واستقبلنة لشيوخ 
كربت على الولد يسار وسامر و امجد خليتهم همة يضيفون لشيوخ 
واني متصدر بالديوان يم الشيخ والوالد هم ماقصر ميحجي شي بدون ميستشيرني المهم خلصت الكعدة على خير والحمد لله
طلعت من الديوان ورحت للبستان اكثر مكان ارتاح بي نفسيا لون الخضار يرد الروح انسى نفسي وتعبي بالبستان كعدت ساعة وراهة رجعت للبيت نمت لان عندي شغل من الصبح

داليا
كعدت ساعة ٦ المغرب
ياا هاي شكد اني نايمة هسة شيخلصني من لسان امي
نزلت جوة شفتهم كاعدين بالهول ديشربون جاي كتلهم
صباح الخير
مريم : ياخير يمة دنيا ليل
داليا: اهم شي اكو خير بالموضوع
مهند: صباح النور شو متأخرة بالكعدة
داليا: والله تعبت عبالك جنت داجاهد مو امتحن
مهند : الله يساعدج باباتي وشلون جاوبتي
داليا: الحمد لله
منار:ايي بس اتسألون على داليا معبالك عدكم بنية لخ
مهند:لا غير نبدي من الجبير للصغير
منار:لتقشمر علية زعلت
مهند:مكلت شي يزعل اجيت بالسرة واصلا ميحتاج اسأل ادري بيج شاطرة بس غير بالنة يم الكسالة نشوف شلون جاوبوا
داليا:لا هنا افتريت علية فرة خالد ابن الوليد بالمسلمين
ودنضحك وفات ابو الهوسة ابو دياحة ابو المصاطف

مصطفى:ليش دتضحكون ضحكوني وياكم
الاب: وعليكم لسلام
مصطفى بضحك :سهمك وصل حجي
الام:ها ماما مبقيت شارع مفتريتة موو
مصطفى : ها بعدني مافتت استلمتوني ارجع اطلع شلون
داليا: خطية ضالميك موو
مصطفى : انجبي لجج هم هبلة وهم تنبل مال نوم وهم تحجين
داليا بدلع : بابا دتشوفة شلون يحجي وياي
مهند: اي عود هذا المثقف هيج يحجي
مصطفى: منارة صبيلي جاي
منار:بس وكت ليريد شي يذكرني
مصطفى وهوة ياخذ الجاي من منار : وغصباً اقصد شكراً
وضلينة نتشاقة ونصحك وراهة تعشينة وكلمن راح لغرفتة

ثاني يوم الصبح
ماعندي امتحان كعدت من وكت اقرا لحد مصارت بال١٠ نزلت تريكت ورتبت البيت وصعدت كملت قرايتي يعني يومي جان فارغ بس قراية وخابرت البنات بليل راجعنة الامتحان

ياسر
كعدت من الـ٦ الصبح عدنة محل صياغة  وبي هواي شغل رحت للمحل صفيت شغلي والحسابات كلهة للظهر رجعت تغديت وغسلت وبدلت ورجعت للمحل خابرني صاحبي راد يروح للصيد رحت اني ويا وجماعتنة تونست ورجعت للبيت تقريبا كلهم نايمين صعدت لغرفتي دانام واجاني يسار
هلو شلونك
ياسر:هلة شتريد
يساربضحك:شمدريك جاي مصلحة
ياسر : ليش يايوم جيتني بشي بي خير
يسار:افا اني هيج
ياسر :فضني يمعود تعبان واريد انام
يسار:اريد سيارتك سيارتي عطلت ونسيت اوديهة للتصليح
ياسر: ماكدر عندي شغل شوف محمد
يسار: محمد عندة طلعة وهم يودي مرتة لاهلهة
ياسر:تريد اوصلك بدربي
يسار:ياريت والله بس بالرجعة هم تجيني لان مالي خلگ التكسيات
ياسر: باوعتلة صفح اوامر ثانية
يسار: لاتسلم
ياسر : دمشي ولي ولتأخرني الصبح بال٧ الكاك جاهز واذا تتاخر انت وشسوارك اعوفك واروح
يسار :شبيكم مضغوطين من شعري
ياسربنفاذ صبر: يسار اطلع
يسار بضحك: شيخنة لتعصب طالع

طلع يسار الغثيث ورحت بسابع نومة

هذا البارت الاول اتمنى يعجبكم