رجع حط راسه ع رجلي واني حطيت ايدي بشره العب بي لحد ماغفى ع رجلي
واني هم غفيت بس واني كاعدة ......
مااعرف شكد مر وقت بس حسيت بي ديعدل نومتي ع السرير ورجع حط راسه ع رجلي وسحب ايدي باسهة وحطهة ع خدة
جنت بين النايمة بين الكاعدة يعني مصدكت الصار كلت يجوز حلمانة ورجعت غفيت
كعدت الصبح مالكيته بالغرفة
كمت سويت روتيني الصبح واعتنيت بشرتي بين ميجي
شفته تأخر دادك عليه فتح الباب ودخل
ياسر:السلام عليكم
داليا:وعليكم السلام وين جنت كلش اتأخرت
ياسر:ميخصج من اطلع مااخذ اذنج مفهوم
انصدمت بنبرنة صوته وكلامة واتأكدت جنت حلمانة لان مستحيل هذا التناقض اله اذا جان مختل عقلياً والله مريض نفسي مو طبيعي
سكتت عنه مابيه حيل حتة احجي واتجادل ويا
ياسر:هذا ريوك تريكي
هزيت راسي وكمت خابرت اهلي ديتحضرون سفرتهم بعد ٣ ايام
وخابرت هناء هم هسوتني سديته منهة
ياسر:مكافي عاد تلغين بالتليفون سطرتيني
داليا:ترة كاعدة بالغرفه مواصله يمك شكو شامر اذنك يمي
ياسر:دالياااا لتختبرين صبري
صفنت بوجهة هذا شبي والله خبل مو صاحي واني منا مابيه حيل اتخبل ويا واعيط تعبانه من الداخل بس هو ميحس لهذا سكتت عنه مو خوفاً منه لا والله
بس اعرف نهايه هذا النقاش حيكون انهياري كدامة لهذا ماريد كرامتي تنهان اكثر
بس هو ظل يتحارش مديخليني بحالي
اجة عليه كال
جيبي المرهم وتعالي دااحطلج
داليا:شكراً اني راح احط
ياسر:اووووه طبج مرض
جاوبته بأبتسامه وهدوء رغم صدمني ممتوقعتهة منه ابد
داليا:الله يسمع منك
هو رأساً اندار عليه وفتح عيونه مااعرف مصدوم مني لان ماعصبت ولا مصدوم من نفسه لان هيج حجة
طلع وركع الباب وراه خلاني بحيرة بين تصرفاته المتناقضة
بكد ماتعبت من التفكير بتصرفاته ظليت بالفراش اليوم كلة حتة اكل مااكلت
أنت تقرأ
خطأ طبي
عاطفيةقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
