ياسر
وصلت يسار للبيت وجانت الدنيا ظهر بس مغيمة رحت للبستان ردت ارتاح شوية وماريد افكر بشي محتاج سلام داخلي بعد كلامي وية يسار اذكرت اشياء جنت ناسيهة وماريد اتذكرة كعدت جوة شجرة جبيرة وظلهة واسع والهوة بارد بس مااحسيت بالبرد لان اعصابي جانت كفيلة ادفيني سندت ظهري عليهة وغمضت عيوني ريحة الزرع هدئت اعصابي شوية ظليت كاعد ماحسيت بروحي انتبهت صايرة ساعة ٥ يعني صارلي اكثر من ٣ ساعات على نفس الكعدة كمت جسمي متكسر هم من الكعد وهم من البرد
شفتي نفسي مالي خلك ارجع للبيت اتصلت على الشباب وكتلهم خلي نسويلنة كعدة واحد يشوي ونلعب دومنة ونراكيل ماصدكوا اقل الساعة وانجمعنة كلنة لحد ساعة ١١ كل واحد راح لبيتة اني رجعت گبل نمت
........................................................
داليا
مدافتهم نهاري من ليلي لان امتحانات واني وكت الامتحانات كلش اتوتر مااحب امتحن ابد طبعا كل الطلاب مثلي بس اني زيادة عنهم كلش اتوتر كضيتهة قراية اني السجاجة بنات القسم والسجاج بالولد واحد اسمة عبد الله ولد كلش حباب وخدوم بس مو وية الكل لان اكو طلاب صدك ميستاهلون واني وعبد الله ويسر اصدقاء بس هوة لايطيق هند ولا هند اطيقة من موجودة هند ميجي عبد الله ومن مموجودة يجي يسلم ويكعد ونسوالف وهند كذلك محد يعرف سبب العداوة لبينهم
المهم كملت قرايتي ونمت وثاني يوم رحت داامتحن صار اشكال بالامتحان واتأجل الامتحان ساعتين محد يعرف شنو السبب بس الفهمنا اكو مشكلة اترخصت من يسر وهند وهمة يعرفوني مااعرف اراجع الة وحدي وقبل الامتحان مااحب احد يسألني اي سؤال لان اتخربط بالامتحان مااعرف احل اكثر شي اكرهة بية يعني اذا ٢ ديراجعون يمي وسمعتهم بالي يظل يم كلامهم واضيع الاول والتالي فة اكعد وحدي فترة ماقبل الامتحان اراجع وحدي وهمة يراجعون سوة
كاعدة بالحديقة عدنة مساطب نكعد عليهة مسويهة كل مسطبتين مقابيل بعض يعني صايرات مربع واني وحدي كاعدة اجوي مجموعة ولد يمكن ٥
زياد: السلام عليكم
رفعت راسي
داليا: وعليكم السلام
زياد: ولو حنزعجج بس يصير ناخذ مسطبة
ابتسمت وكتلة
اخذوهم كلهم لان عندي امتحان وراح اترك المكان
زياد: اسف اسف خوما ضوجتج وحتكومين
اجة عبد الله
هلو داليا شلونج وباوع على الولد ورجع باوعلي خوما اكو شي
داليا: لا مااكو بس ديكعدون واني داروح للقاعة التفتت على الولد
اخذوا راحتكم ماعندي شي لميت غراضي ومشيت وية عبد الله
زياد: اسمهة داليا همم 😁
حسنين: عاد انت لكيتلك خوش سالفة
زياد: ها يسار شو اتاخرت
يسار :سشوي كملت وطلعت
زياد: عوفك من الامتحان ودوخة الامتحان عندي خبر الك الة يفلش
يسار:سترك ربي لنتفلش
زياد: القطعة الرزلتك عرفت اسمهة اسمهة داليا
يسار بحدة : زياد هاي لبنية خط احمر سوي لتريدة وية اي وحدة الة هاي
زياد: ليش عاجبتك😉
يسار : اي عاجبتني عندك مانع
زياد: لاعمي صارت مرت اخونة بعد
يسار: يلة سروا الموضوع
زياد:لككك دباع عمي يغار ع المرة البعدهة مصارت مرتة
يسار : زياد انجب عاد مالي خلك
حسنين : يسار صدك شصار ع سيارتك
يسار: والله على حطت ايدك حتة للمصلح ماوديتهة مصارلي مجال
زياد: اذا تريد مصلح اعرف واحد يفتهم وخوش يشتغل
يسار:شعجب تعرف هيج ناس
زياد: طبعا تنصدم عبالك اعرف بس لمثل وجوهكم
وضلينة نضحك ونتشاقة رادوا يوصلوني الولد بس ماقبلت مااحب اصعد بسيارة واحد يسوق بيهة غيري بس اذا وية اخواني عادي وهم اضوج واحد يتمنن علية بتوصيلة مع انو اني ليخابرني اوصلة عادي حتة تكسيات نادرا جدا اصعد بتكسي مع انو بفلوسي بس مو بيدي مامتعود بس هالمرة انجبرت ارجع بتكسي وكلت اودي السيارة للمصلح وافض السالفة
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
