عيناك كأنها بالحسن اية
تتلى على قوم ضلوا فأهتدوا......
————————————————
عبد السلام:اريد منج تحجين وية بنت اخوج داليا لان
لان أني معجب بيهة واريد اخطبهة اريدج تسأليهة بطريقة غير مباشرة حتة اذا تقبل اخذ امي واروح اخطبهة
هناء: والله يا سلام كلش فاجئتني بس من هسة اكلك لتتأمل حتلو داليا وافقت فأخوية ميقبل الة تكمل دراستهة متذكر شلون ازوجت اني وهشام مو طلعوا روحنة يلة وافقوا
عبد السلام: والله مستعد كلشي اسوي حتة يقبلون ومستعد انتظرهة ورة متتخرج بس اهم شي اتصير اليي
هناء: هاا ولك واكع مو هسة تكول بس اعجاب
عبد السلام ببتسامة : يابة غير انتي عمة لبنية قابل اجي اكلج احبهة واموت عليهة
هناء:ههههه لك هاي شمسوية بيك بنت اخوية والله كفو عليهة 😂
عبد السلام: هناء حبابة رديلي خبر باسرع وقت وكوليلهة مستعد يسوي لتريدي وموافق ع كل شروطج وهم شتريد اكثر هية وعمتهة متزوجين اخوان 😏
هناء: ان شاء الله اشوف هشام شوكت يجي ونروح لبيتهم
عبد السلام : تريدين اوديج اني اليوم
هناء: لكك اصبر فضحتنة 😂
عبد السلام : حقج يابة اخذتي لتحبي والايدة بالنار مو مثل الايدة بالثلج
هناء: لتنصب فاتحة يمعود خلي يجي هسام واحجي ويا ونروح
عبد السلام : ماشي منتظر منج خبر
عودة لداليا وهناء
هناء: داليا تررة سلام درة مال الله ماكو مثلة اخلاق وشهادة ويحبج وهاي اهم شي ومستعد يسويلج لتريدي واني وياج وحنصير حموات شتريدين بعد
داليا: هنوش يحبني على عيني وعلى راسي بس اني اصلا ممركزة بي واذا اشوفة بالشارع مااعرفة واني مااقتنع بهيج شي يعني صح مادور علاقات بس ع الاقل لازم اعرفة اني اعرف اطباعة اعاشرة فترة وبيني وبينج ابد ابد ممفكرة بموضوع الزواج اريد اكمل دراستي وارتاح فترة وادور شغل تعرفين بية كلش احب استقل بحياتي واحقق شي لنفسي يلة ازوج وهوة دكتور ماريد احس بفد يوم هو اعلة مني او احسن مني
هناء: اعرف حبيبتي بس هوة الولد حابج وشاريج ويكول عادي انتظرة لحد متتخرج ونصيحة مني اخذي ليحبج وكدامج اني اكبر مثال اخذت ليحبني وهسة رغم ماعندي اطفال بس هوة ممحسسني بهالشي ويحبني ويهتم بية وميقبل اي احد يسمعني حجاية يكلب الدنيا
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
