لا غيّب الله عنا الدفء من منازلنا ، وأدام الله شعُور الألفة بكل زاوية من زواياه .💫
انت عزيز علية انت ومصطفى بنفس الكفة اترجاك انسى هالموضوع وتعامل وياي طبيعي مو ع انو اني مريضة
يسار: اني عزيز عليج ومثل مصطفى
زين وانتي مو عزيزة علية مو مثل سارة
فد يوم فرقت بينج وبينهة لج اني ازعل من اخوية اذا ضوجج
تريدين هسة اسكت وانتي مريضة وماسوي شي
داليا: يسار والله يتعذبون واني اتعذب اكثر منهم
تتخيل اتحمل نضرات الشفقة والخوف البعيونكم
اذا مااموت من المرض اموت من القهر
انت عبالك اني مستسلمة وماريد اروح دكتور
بس والله لو اكو امل واحد بالمية جان رحت
لك الدكتور بوجهي يكلي ماكو امل لتحاولين
وذينج التحاليل والفحوصات كلهة موجودة مستعدة انطيهم الك تشوفهم
يسار والله مااتحمل كلام دكتور ثاني
متتخيل ذاك شلون اذاني
مااريد اسمع كلام يغثني بعد
كمت ابجي ويسار نزل اشترالي مي
يسار: اني اسف اعرف ضغطت عليج هواي بس من خوفي وحرصي عليج
والدكتور الرحتيلة انسي وانسي كلامة هذا دواه عندي
بسسس هالشي مو معناه راح اعوفج
بيدي راح اخذج ونسوي فحوصات جديدة ونتأكد
يلة مدااقتنع وترة بحثت كومة بالنت
وعندي اصدقاء دكاترة الاعراض العندج تختلف
وهالشي راح يكون بيني وبينج محد راح يعرف
داليا: وعد محد يعرف
يسار: وعد
بس انتي هم توعديني اذا اكو علاج واكو امل تتعالجين
داليا: وعد بس هم بدون محد يعرف
يسار: بهاي مااعرف اكيد ياسر راح ينتبهلج
داليا: مااتوقع
يسار: ليش احسكم ممتوافقين ودومكم ع خلاف او بينكم شي مو طبيعي
داليا: احنة خلف الكواليس وبحياتنة الواقعية كلش نختلف عن الصورة الظاهرية والانطباع الننطي الكم واحد بشام واحد بحلب
بس رغم كلشي سواه بية مااكدر اخلي يتأذة بشوفتي
واني مريضة لان ادري بي يحبني من صدك صح يجفص
جفصات جبيرة بس يحبني
صح مرات الحب مو كافي بس الانسان ميكدر يأذي ليحبة
واني مااكدر أأذي حتلو هو أذاني
يسار: شوفي بحياتي متخيلت ياسر يرجع يحب
ويتعلق ويتمنى يسمع اي حجاية عنج
اكيد حجالج ع سالفة خطوبتة القديمة بتفاصيلهة
اصلا انتي تعرفين تفاصيل اكثر مني وعلاقتة بأحمد
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
