بارت ياسر معرفه الحقيقة
ياسر
كل الصار غصباً عني جنت مجبور أأذي كلبي قبل ما أأذي حبيبتي
راح ابدي من الايام الصرنه بيهة اصدقاء ولحد اليوم الاعترفت بحبي ولو هو ميتسمى اعتراف
اتقربت منهة ونيتي مجانت غير اتعرف عليهة جان اكو احساس قوي بداخلي يجذبني الهة بيهة سحر يختلف عن الكل سحرتني
بهدوءهة
بنزاكتهة
اناقتهة
اخلاقهة
كل تفصيل بيهة يجذبني ويلفت انتباهي بطريقة تختلف
بديت اغرگ بيهة وبتفاصيلهة
جانت تجبرني اسأل عنهة واعرف اخبارهة يوميه
بديت ابتسم واني صافن اذكر تفاصيلهة لو افوت للمحادثات اقراهم مرة وثنين وتلاثه لدرجة حفظتهم
هذا كله واني ممعترفلهة خايف ارتبط بيهة عندي تجربه سابقة مأذيتني حيل لهذا جنت خايف اقترب منهة
لحد مايوم يسار جان يحجي وية حبيبته تصير صديقتهة وكالتله مريضة وممداومه
ماكدرت ماأطمئن عليهة عقلي وكلبي يمهة
دزيتلهة مسج اكدر اخابرج
مرت دقايق وهيه خابرتني
فصلته ورجعت اني اتصلت عليهة
ياسر:السلام عليكم
داليا:وعليكم السلام ليش فصلته من دكيت
ياسر:اني ردت اخابرج ليش تخابرين انتي😂
داليا:اي مو بين مارحت لغرفتي لان يمنه خطار
ياسر:ها لعد مااطول عليج بس سمعت بيج مريضة
داليا:اي صح بس منو سربلك الخبر
ياسر:مخبرين سريين عندي المهم شلونج ان شاء الله احسن
داليا:الحمد لله عدت ع خير انت شلونك
ياسر:الحمد لله بخير بس ظل بالي يمج خيرج
داليا:والله صار فترة ضغط نفسي لحد مصار عندي انهيار عصبي
ياسر:صدك تحجين غير ع كيفج وية نفسج
داليا:صارت بعد
ياسر:يله الحمد لله ع سلامتج وديري بالج ع روحج لتشغلين بالنه عليج
داليا:شو تحجي بصيغة جم.. ثواني
مكملت كلامهة وفات لغرفتهة ابن عمهة حجه وياهة هنااا فولت الغيرة عندي بس مجنت معترف لروحي بهالشي
داليا:سوري شنو جنه نحجي
ياسر:منو هذا الحجة وياج
داليا:ابن عمي
ياسر:وابن عمج عادي يفوت لغرفتج مو عيب ميستحي
داليا:لا عادي دك الباب
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
