داليا....
عدت الايام عادية والحمد لله ياسر تحسنت حالتة صح بعدة ع عكازة بس احسن الحمد لله
واني حالتي بدت تزيد مراجعت دكتور ولا سويت فحوصات وحالتي النفسية صفر وداضغط ع روحي في سبيل ما ابين لاحد
اليوم حيسوون حفلة صغيرة علمود سلامة ياسر وهم الاربعين مال ابن محمد الصغير صح راحت قبل كم يوم بس جنة ملتهين بياسر وماكدرنة نسوي
اجوي بيت اهل ميساء وبيت عمهم ابو احمد واحمد ومرتة وعمهم لاخ هم ماعدا بيت ابو زهراء بس اجتي ايناس وبنتهة
كالعادة كعدنة من الصبح ع تنظيف وتعزيل وترتيب وجهزنة كلشي لان الحفلة بالليل وهاي لبنية ياسر هم فرض عليهة حظر تجوال وهية حتة بالايام العادية بغرفتهة ياسر ميقبل تطلع بس تطلع تاكل وترجع لغرفتهة حطلهة يسار بيهة تلفزيون حتة متضوج بس اهم شي ممتواجد بالبيت كبالي وكبال ياسر وابشركم عرفت اسمهة اسرار
عرفت اسمهة من خالة طبعا مرة كاعدين اني وياسر العصر دااوكلة فواكة اجتي خالة كالتلة
راح اخد اسرار للسوك اشتريلهة ملابس
ياسر كاللهة شتريدين اسوين سوي معلية بيهة
حجة بدون ميباوعلهة حتة هية هم من كاللهة معلية بيهة طلعت كتلة
ياسر منو اسرار
هو باوعلي مصدوم كتلة شبيك انصدمت
كالي لا معبالي متعرفين اسم لبنية لهدية ولو ميصير نكول هيج بس الله يطيح حظ اهلهة المهم هية اسمهة اسرار
كتلة هااا مو شخص مهم حتة اعرف اسمهة
واليوم هم خالة حاولت تخلي ياسر ينتبه الهة بس هو تعصب
دنتريك واجتي كالتلة
ياسر خلي اسرار اليوم تحضر الحفلة خـ...
مخلاهة تكمل كلام راسا رفع ايدة وكاللهة
ممنوع
جان تكلة لو ادري جايتك من تكون وحدك لان هسة متكدر توافق
جانت تقصد يخاف مني هو سمع هيج لو تخبل كاللهة
يوووم كدامج مو جاهل صغير وتحجين هيج ولتخليني اطلكهة وانعل ابوهة لابو اهلهة وخلي تصير عشاير حتة ترتاحين
من شافتة عيونة تطير شرار سكتت وانسحبت وحدهة
هو جان معصب كلش حتة الاكل عافة جان ضاغط ع ايدة قوي
سحبت ايدة هو يباوعلي وعاكد حواجبة حتة ايدة ما رخت ضلت هيج 👊🏻 بستة من ايدة ٣ بوسات هم مارخت كتلة
أنت تقرأ
خطأ طبي
Любовные романыقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
