خطأ طبي

Part3

داليا
كعدت الصبح غسلت و بدلت وطلعت لان مااحب اتريك الصبح صعدت بالخط وبديت اراجع الامتحان وصلت للكلية دافوت وسمعت ولد يكلي ديصيح يبنية يبنية الفتت وشفت

....................................................................

ياسر
كعدت الصبح غسلت وبدلت وكعدت اتريك دااتتظر استاذ يسار يكمل شسوار
يسار راح اعوفك واطلع مصختهة ترة
يسار: اجيت شبيك يمعود اول مرة توصلني ذليتني مذلة
ياسر : امشي بلة لغوة زايدة
وصلتة للكلية هوة شاف بنية وتخبل نزل بسرعة وركع لباب ورا يصيح وراهة يبنية استغربت هذا شبي
باوعت على لبنية ماشاء الله كلش حلوة ومرتبة كلت اكيد الاخ انثول بيهة

يسار:يبنية يبنية
داليا:التفتت حوالية مجان بس اني ويا كتلة نعم
يسار: اول شي السلام عليكم
داليا: وعليكم السلام
يسار: شلونج
استغربت السؤال بس كتلة الحمد لله
اعرف بيج مستغربة بس حبيت اعتذر منج ذاك اليوم جنت معصب ومااعرف شلون اتجاوت عليج
لا عادي مصار شي
يعني مشايلة بكلبج علية
لا على شنو داشيل بكلبي موقف تافه وراح بيومة
يعني اذا مشايلة بكلبج مراح تردين عزيمتي على جاي او كهوة لتحبي انتي
لا اسفة عزيمتك مرفوضة بس اعتذارك مقبول ومن رخصتك عندي امتحان
على راحتج والله يوفقج بالامتحان
تسلم وعفتة ومشيت بس كال بشقة وضحك
هاا اذا جاوبتي بالامتحان يعني وجهي حلو عليج
واذا مجاوبت
حظج بعد شعلية اني
ضحكت وعفتة ومشيت

ياسر
مااعرف ليش ضليت واكف داريد افتهم شكو وليش نزل من الخبل بقوا وشوية وراهة راحت لبنية بدون ماافكر دكيت هورن ليسار انتبهلي واجة للسيارة
يسار: هاي شنو بعد مارحت
لا دااشوفك ليش اتخبلت من شفت هاي لبنية شبيهة
هاا شيخنة طلعت فضولي
حتحجي لو شلون
ماكو شي بس ذاك اليوم صار موقف محلو بينة واعتذرت منهة حتة اسمهة مااعرفة ياا صدك شكد غبي اني حتة نسيت اسألهة شنو اسمج
ياسر: ديلة روح عبالي عندك سالفة
اوكي الله وياك وموتنساني تعال اخذني عود
يجوز مالحك شوف واحد من ربعك يوصلك يلة مع السلامة وحركت السيارة. ورحت
يسار : بلة هذا هم اخ دك بية الناقصة

داليا
ورة مااعتذر الولد حبيت تصرفة غلط واعترف بغلطة كلش احترمتة بس وراهة عزمني محبيت كلت خربهة مو معقدة بس مابينة هالميانة حتة يعزمني بس والله شهادة لله الولد مرتب المهم شعلية بي رحت امتحنت ورة الامتحان دنسولف
هند: اكو بعض ناس كاموا يضمون عنة حجي وميسولفون يخافون من الحسد لو شنوو وتباوع على داليا
يسر: شضامين عليج بلة
هند : ماادري سألي داليا
داليا: ليش شضامة عليج
هند:علساس متعرفين
داليا: (بنفاذ صبر )هند مو تدرين بية اكره  ليلف ويدور احجي دايركت وفضينة عاد
هند: اووووي عصبت لبرنسيسة
استغفر الله واتوب الية
يسر: هند صدك لحيتي احجي عاد
هند: ايي ولج منو هذا الواكفة ويا الصبح ودك سوالف
داليا : منوو (راح عن بالي الولد الاعتذر مني)
هند: اهووو ترة شفتج وية ه ا الولد الكلج ثولة
داليا: هاااا شكد تافهة انتي ترة الولد اجة يعتذر واني راح عن بالي لان جنة نمتحن
يسر: والله عبالي عندج سالفة
هند: شبيجن كبيتن علية غير دااسأل
داليا: من شايفتني جان جيتي يمي وسمعتي الحجي وفوختي الدودة
هند: مو محبيت اكطع الاجواء الرومانسية
داليا : يا الله شكد تافهة انتي الله يعين الحياخذج
هند: شبية عيني ١٠٠٠ واحد يتمناني
يسر: اشو مشفنة ولا واحد(بشقة)
ضحكنة اني ويسر بس هند انعقجت مع انو متعودين نتشاقة هيج شقة ويسر رادت تعتذر بس كتلهة لا الموضوع شقة واذا اعتذرتي حتكبر فة غلسي وتصرفي طبيعي