داليا....
واخيراً طلعوا ميساء من المستشفى هية والبيبي جابرهم للبيت محمد مقبل تبقى بيت اهلهة راد اضل تحت عيونه وامهة بقت يمهة واني اساعدهم
طول الاسبوع واني ملتهية وية النونو حتة انسى وماافكر شراح اسوي وشنو خطواتي الجايه
ياسر نهائيا مالتقيت بي لان فرغنه غرفه لام ميساء واني ابات يمهم لو يم سارة اقريهة او اراجعلهة المواد لان امتحاناتهة قربت ومنا دوامي
يعني بأختصار دااعذب روحي حتة انام تعبانه وماافكر
جنت مطمئنة من ناحية كلام عمو انو مراح تجي وحدة وتقلق راحتي وتقريبا الموضوع انسد
عده اسبوع وام ميساء اصرت ارجع لغرفتي لان تعبت وياهم وهم هية متعرف الصاير ولا المشكلة كلهة فمستحية من ياسر حلفتني ارجع للغرفة
فتت لغرفتي صايرة هوسة ملابس ياسر وملابسي
لان ادخل للغرفه بس ابدل واطلع ومن ارجع من الدوام اشمر ملابسي واطلع وهو كذلك يعني ليفوت للغرفة يغرك بسبب الهوسة
فتت تقريبا ب٨ ونص بعد وكت مو مال نوم بديت الم الهوسة والملابس الوسخة بالغسالة رغم تعبانه بس اريد اشتت تفكيري عقلي تعب وصلت حد عقلي يكلي ارحمينييي
فرغت الغرفه من الهوسة بين وجهة حتة العاب جهال محمد لكيتهم بالغرفه وخرخاشة النونو هم لكيتهة بجيبي ضحكت ع روحي عقلي مو وياي وتصرفاتي مو طبيعيه
حطيت الالعاب ع ميز المكياج وبديت اعزل مكياجي ع صفحة وعطور ياسر رتبتهم مهوسهم
رغم مجنت رايده المس اشياءه بس مااحب اشتغل ع النص فرتبت غراضه
مندمجة ارتب جان ينفتح الباب ودخل ياسر
جان يحجي بالفون اول مشافني انصدم حتة مكمل كلامه اعتذر من الديحجي ويا وكاله
اخابرك بعدين وسد الخط
اني مهتميتلة كملت ترتيب وهو يحوص اخر شي كال
شلونج
داليا:هلا بالعريس هله بيك انت شلونك اخبارك بما انو معرس مرتين
ياسر: ترة انتي كلشي مافهمتي من السالفه واني انتظرتج تهدين حتة اسولفلج كلشي
داليا:ههههههه لا سوري استقبالي الك موهيج لازم يكون اوكف خلي اشتغل معزوفه
ياسر: اعرررف اعصابج تعبانه ودسوين هيج بس انجبررت وراح اجيبهة للبيت مؤقتاً
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
