داليا...
كعدت الصبح نومتي متعلعلة ومو مريحة ابد اول مافتحت عيني لكيته كاعد كبالي فزيت ممتوقعته ابد
من فزيت هو رأسا كال اسم الله وجابلي مي
دفعت ايده وكتله
شكو لازم مرابطات فوك راسي من الصبح
ياسر:ضل بالي يمج وجيت اشوفج
داليا:اشكرك تعبت روحك علساس الأني بي مو بسببك والله يا الله
ياسر:اي بسببي بس خلي نحجي وراهة عود قرري
داليا:قراري الوحيد كتلكيا البارحة هسة باقي شغلة وحدة نحجي بيهة وهي شروط عيشتنه سوة لهذا جيب ورقة وقلم وسجل بين مااصحصح
ياسر:اوكي مثل متحبين بس قبلهة خلي نتريك كلشي جاهز بالمطبخ بس راح اطلع اجيب صمون
داليا:يا اخي شنو هالبرود العندك كلش مستفز
ياسر:داليا الله يخليج ما اريد افكر بشي بس خلي نتريك بهدوء وراهة من ايدج هاي لأيدج هاي شتسوين اني حاضر
عفته وفتت للحمام بس طلعت بسرعة لان عندي خوف غريب مااكدر افوت لحمام بأي مكان خارج لبيت وحتة بالبيت ماافوت بحمام ثاني بس المتعودة عليه واذا انجبرت اخليهم يفتشونه اخاف بي حشرات صراصير اشياء تمشي ع الحيطان
المشكلة اضوج اطلب منه شي بعد الصار كله ضليت احوص وافتر وهو واكف بعدة مطالع كالي
شبيج خايفة من شي
داليا:لا بس تكدر تفتش الحمام
ياسر:اوكي بس شدور بي يعني
داليا:يعني بي حشرات وهيج
ياسر:هااا تمام هسة اشوف
رحت وراه هو يفتش بالحمام واني كلساع اعيط شوف ورة الباب ورة لمرايه اضرب الباب خبلتة وهو ساكت ماحجة شي بس جان مبتسم ابتسامة مستفزة
بس غلست عنه لان مصلحتي يمة
كمل وطلع كالي كلشي ماكو
بس ماصدكته لان بيت مبين متروك هو هم من شاف نظراتي ممصدكته كال
ترة كل فترة يجي الفلاح يرش مبيدات يعني مستحيل اكو شي حتة نمل ماكو لتخافين
داليا:تمام شكراً
ياسر:عفواً بس راح انتظرج هنا حتة متخافين
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
