لا تتوقع أن الجميع نفس أخلاقك وردود أفعالك , نعم الطين واحد لكن الأرواح تختلف.🪐
بس هزيت راسي وهو حضني قريني منة اكثر وضل يلعب بشعري
ضلينة فترة طويلة ع هالكعدة وساكتين لدرجة حسيت روحي حنام
بس ياسر كسر الصمت البينة وكال
حبيبي نطلب اكل عاجبج تاكلين شي ؟
داليا: لااا انت سويلنة
ياسر: انييي ليش شعرف اسوي !
داليا: من جنة مخطوبين مو جنت مطلعلي عضلاتك من تروح يم احمد وتكعد تصورلي شتطبخ
ياسر:هههههههههه وانتي مصدكة اني جنت اطبخ
هذا احمد هو يعرف كلشي يطبخ
داليا: لعد انت هم تعلم تطبخ اني علية الغدة وانت عليك العشة
ياسر: والله حبيبي ع هالقسمة نسكن المستشفى
لا انتي تعرفين اطبخين ولا اني خلي نكضيهة مطاعم بين ما الله يفرجهة
داليا: اوكي متفقين بس اليوم يبقى العشة عليك مو اني سويت الغدة هسة العشة عليك
ياسر: زين اوكي تجين وياي ونشوف شنسوي
ضلينة صافنين لا هو كام ولا اني
ياسر: ها يمعودة تكوميين لو لا
داليا: مابية حيل كوم انت وكومني
ياسر: شلون اكوم وانتي بحضني
داليا: مادري احس جسمي خدران حركني انت حتة اكدر اكوم
حط ايدة ع كتفي وضل يهز بية لحد مكمت
داليا: هاي شبيك يمعود خضيت راسي
ياسر: دمشي كدامي داحسج تتعاطين من ورة ظهري اعترفي
داليا: والله اني هم اشك بنفسي
ضحك علية وكال
دمشي شكد فطيرة
رحنة للمطبخ اني كعدت ع الكاونتر وهو يفتح الثلاجة ويسد يروح يم الطباخ ويرجع للثلاجة يفتحهة ويسدهة
داليا: والله الثلاجة لو عدهة لسانك جان كالتلك شبييييك يمعووود شترريد
ياسر: مو هو اني مااعرف شريد اصبري خلي اطلع بالنت
داليا: يمعود حتلو بيض وطماطة بتيتة وطمامة اي شي
ياسر: ذكرتييني اكو اكلة تركية احمد جان دائما يسويهة
داليا: شنو هية شسمهة
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
