داليا.....
كعدت بال٦ وشوية جسمي مكسر من النومة الكسيفة الجنت نايمتهة
كمت كوة عدلت روحي شفت ياسر نايم حطيت ايدي ع جبهتة الحمد لله ماكو حرارة لان لازم نظل منتبهين اخاف يصخن
انتبهت يسار ماكو طلعت اشوفة وين طلع بعدة بالحديقة كاعد
داليا:صباح الخير
يسار: صباح النور
شكعدج بعد وكت
داليا: كعدت بعد انت مانمت مو
يسار:البية بس الله يعلم بي
داليا:يسار تعرف اني اكثر وحدة حاسة بيك وحالتي اتعس من حالتك بقاطات اذا انت ازوجت وراحت بحال سبيلهة اني ازوج وكدامي ولا اكدر اعوفة ولا اكدر ابقى ويا ههههههههههاي
كمت اضحك مثل لمخبلة
يسار: انتي مخبلة شنو ليضحك
داليا: سامع بشر البليه مايضحك
حالتي هيج صايرة لا ومو بس اني صرنة ثنين انلم المتعوس ع خايب الرجا
ضحك وكال
اي والله صدك بس حددي انتي المتعوس لو الخايب حتة اعرف روحي شنو
داليا:اني المتعوس وانت الخايب
تنهد وكال
يسار الخايب
داليا: يمعود عيش حياتك محد يسوة ساعة حزن باجر تطلع كدامك لتعوضك عن كلشي صار
يسار: الله كريم
داليا: كوم ناملك ساعتين ورانة خطار وركض
يسار: تمام فايت انام يم ياسر
داليا: اوكي تصبح ع خير
يسار: هة وانتي بخير مخبلة
فات يسار ينام واني صعدت لغرفتي رتبتهة وفتت سبحت ونشفت شعري وبدلت
رتبت وجهي حطيت كريمات ترطيب وماسكارا وحمرة ورشيت عطر غيرت نفسيتي ونزلت جانت الساعة ب٨
خالة وعمو كاعدين صبحت عليهم وردوا
الشيخ: شلونج بوية شلون صحتج
داليا: بخير الحمد لله عمو انت شلونك
الشيخ: الحمد لله بنيتي
دااحجي وية عمو وطلعت ام ميساء صبحت علينة وردينة عليهة
داليا: شتحبون تتريكون
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
