داليا.......
مرت اسبوعين بهدوء وسلام
اني وياسر نادراً نلتقي لان هالفترة عندة ضغط بشغلة ومشاكل واني ما احب ادخل روحي من يحتاجني يجيني وهم ضايج مني
و خالة ابد ماحجيت وياهة رغم اعتذرت بس جانوا جابريهة تعتذر مو لان عرفت حجم غلطهة لهذا هية بمكان واني بمكان
اكمل شغلي وادخل لغرفتي لان دااحضر للماجستير
رغم رفض ياسر بعد الاتفاق بس حداوم غصب عنه لان كلت لعمو
ياسر مموافق وهو حجة ويا ومن يومهة بدة يتجنبني
علاقتي بالبيت كلش قويه بيسار وسارة وعمو بس يسار مختلف عنهم كلهم مثل اخوية مصطفى بالظبط
يوميه باليل نفتر بالسيارة اني ويا وسارة من يشوفنة ضايجات يجيب حب ويشاركنه الكعدة كل اسرارة عندي وكل اسراري عندة
حتة علاقتي بصديقاتي مو مثل قبل يسار عوض عنهم
من احتاج دفتر او اي شي من المحل اخابر يسار رغم امة تنزعج بس متهمني لان صدك معتبرته اخوية و امون عليه مثل ما امون ع صوفي
واليوم عدنه عزيمة خالة عازمة بنتهم وبيت عمهم الي همة عيال بنتهة ع العشة
محمد (ابو امير وعندة بنيه اسمهة هاجر ) كال لتسوون شي راح اجيب اني كباب وبيتزا وعرايس لتعبون روحكم بس سووا مقبلات
و الحلويات هم راح اجيب من برة
طبعا طبعهم كلش حلو بالعزايم مثل هاي خفيفين رأسا يجيبون من برة وميهوسون الدنيا
كعدنة عادي بالعشرة و نظفنه البيت و تغدينه
ع الغدة عمو كال لازم احجي وية خاله عيب كدام العالم
كتله ماعندي وياهة مشكلة بس لازم تحترمني
كال غصباً عن الكل يحترمج انتي بنت هذا البيت
ومبين عمو حاجي وياهة من قبل لهذا ظلت ساكته
ورة الغدة هم رجعنة نظفنه البيت وهو اصلا ميتوصخ الولد ينجمعون ع الغدة والعصر يطلعون ميرجعون اله بنص الليل
و جهال محمد حرفياً ملائكة كل وقتهم بغرفتهم لو ع التلفزيون لو يلعبون او ع ايباداتهم اصلا محد يحس اكو جهال بالبيت
بس العصر اني اطلعهم بالحديقة العب وياهم كلش احبهم
اموري عمرة ٥ سنين و جوجو عمرهة ٣ سنين
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
