اذا اجيبلج دليل تسامحيني.......
داليا:لا طبعاً لان كرهتك بس يجوز يخف غضبي تجاهك يجوز اعذرك اذا كلامك صح
ياسر:ان شاء الله بس نامي وارتاحي
ياسر
من كالتلي اكو غضب بداخلهة اتجاهي ارتاحيت لان معناهة مكارهتني بس من عصبيتهة وغصبهة عليه هيج كالت
هسة لازم ادبر مرض وتحاليل حتة تصدك
راسلت احمد بلكي يدبرلي شي او مرته ممكن تساعدني واعرفة مراح يحجيلهة شي واثق بي
ظليت كاعد فوك راسهة ليل كلة اخاف عليهة مو بيدي والله كل ما أأذيهة اظل سهران فوك راسهة اخاف يصير عليهة شي من الزعل
اذن الفجر وكمت صليت ورجعت كعدت يم راسهة والعب بشعرهة
حسيت بيهة كامت تهذي حطيت ايدي ع جبينهة جانت حرارتهة عاديه مابيهة شي
بس يجوز حلمانه مفهمت منهة بس حقير وناسيني عرفت عليه
الحمد لله متماديت اكثر بتصرفاتي وياهة
والا جان من صدك كرهتني
هسة شغلي لازم ادبر دليل يثبت جنت مريض بس اي مرض غير المرض الجنسي
ولازم اخفف من غضبهة تجاهي واتحمل كل لتكوله لان حقهة ما ألومهة ع شي لان اني غلطان بحقهة
بس اني جنت ضحيه غباء دكتور بس والله اله ادفعة الثمن
من اطمنت مابيهة شي يلة كدرت انام بس جريتهة بحضني نومتهة ع صدري يلة كدرت انام واغفى
داليا
بعد الصار كلة صراحة ماصدكت بي مريض بس من كال يجيب دليل خفت ليكون صدك مريض
واني مناقصني تفكير عقليي تعب والله احس ع ساعة وانفجر بطريقة سيئة جداً اعرف روحي
من انفجر احرك الاخضر واليابس
هو ظل كاعد فوك راسي لحد ماغفيت وكعدت لكيته مطوقني بحضنه حتة حركة مااكدر اتحرك
يعني شنو راح يصير اذا من الاول حضني هيج ونومني بحضنه وماانطى مجال للمشاكل تفرقنة بهالطريقة البشعة
بس هو الصوج منة كلة من ايدة واني لازم اعاقبه والراشدي مانسيته ولا راح انساه واطلعة من عينه
اني مو ضعيفة واكره لبنيه الضعيفة لان الكل يستغلهة ويستضعفهة بالعكس
اني كلش قوية بس المشاكل توالت عليه بوقت غلط
يعني لو ضاربني ورة كم شهر من زواجنه والله افضحة فضيحة وماابقاله دقيقه وحدة
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
