داليا......
وره مرجعنة للبيت سلمنه عليهم وصعدت رأسا اسبح
اول مدخلت جوة المي الدافي بدت عضلاتي ترخى احس حتة افكاري بدت توكع مثل المي كلش ارتاحيت
طلعت من الحمام ياسر جان رايح لشغلة
لكيت سارة حجيت وياهة وسولفت ع امتحاناتهة وكالتلي منظفين البيت يعني ميحتاج اسوي شي بس ارتاح والغدة ع النار
كتلهة اقري واني راح انزل يم خالة ويسار موجود بالبيت هم
نزلت خالة بغرفتهة ويسار بالمطبخ
سولفت ويا وشقة وضحك كال مشتهي كهوة
كتله اني راح اسوي ونكعد يم خاله نسولف وياهة و سارة نسويلهة عصير
هو سوة العصير لسارة واني وصعدلهيا واني كملت الكهوة وصبيتهة
رحنة ع خاله للغرفة جان الباب مفتوح دك فون يسار كال اجاوب واجي مااتاخر
اني وصلت يم الباب جان مفتوح يعني ميحتاج ادكة واصلا مااكدر ادكة لان شايله الصينيه
هستوني داكوللهة خاله نكدر نفوت بس مالحكت انطق
بسبب كلامهة الجان حرفيا صاعقة وضربتني براسي
انسانة بهالحقد هذا تتهمني بشرفييي !! ليييش شمسويتلهة مااعرف
سمعتهة تكول
اي دليلة حبله مدري شبسرعة لحكت يجوز جايبته وياهة من بيت اهلهة
وانوب ابني اسأله ع النيشان يكلي معليج خاص بينه اكيد ساتر عليهة هو اني ماردتهة بس هو كتل روحة عليهة
والله احس الدم صعد براسي واني مو وكحة ابد بس مااضيع حقي احجي و اواجه ماانطي مجال لاحد يستغلني ولا يستغفلني
ذبيت الصينيه بالكاع بعصبيه هية انتبهت وسدت التليفون رأسا
بس عرفت سمعتهة من عصبيتي كتلهة
الله واكبر شدتحجين انتي مااستحيتي من عمرج مالكيتي غير شي تحجين بي غير شرفي
طبعا جنت احجي بعياط ع صوتي اجة يسار وسارة
سارة رأسا خابرت ع عمو وع ياسر عمو جان اصلا بالديوان قريب يعني
يسار كالي :شكو داليا شبيج
داليا:تعال اسمع امك الله واكبر الله واكبر عليج حسبي الله ونعم الوكيل
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
