إستقبلوا أقداركُم بنفسٍ راضية ، فاللهُ يعلمُ وأنتم لا تعلمون♥️
ياسر: باعي والله مو دفاعاً عنة بس هو خسر وعرف حجم خسارتة هسة عندة استعداد ينطيهة عمرة كلة بس ترجع ويا يوم واحد
داليا: من ايدة احد كالة خون احد كالة اتزوج عليهة واحرك كلبهة
ياسر: عوفج منة بس كولي لهناء حتة تبلغ عمامج يتصرفون ويا
داليا: انعل شرفة حرك دمي
ياسر: الانسان من يخسر شخص عزيز علية بغبائة
بعد ميعرف يتصرف هو حجالي الرجال
ومعترف بغلطة اخر شي كال اني جنت مسحور وأمري مو بيدي
داليا: طبه مرض من الساقطات الصادقهن هو نكس وهنة انكس منة
ياسر: يا ابوية ليش اضلين تكمزين افهمي اهدي اسمعي وبعدين هجمي
احنة معلينة مو طرف حياتهم وهمة اختاروا
اني مجرد وسيط وصلت لهناء كل كلامة وهية رفضتة
انتهي الموضوع
داليا: انت مشفت كسرتهة والسوا بيهة معشت وياهة وشفت الايام التنهار بيهة ونحتار بيهة بالمستشفى حسبي الله علية دنيا واخرة
ياسر: انتي معصبة منة اكثر من هناء
لبنية من حجيتلهة سمعت للاخير وكالت اذا يجيك مرة لخ كلة لا تريدك ولا تريد تشوف وجهك
انتي كارهتة اكثر منهة حقك عمتج وشفتي شصار بيهة
بس الانسان من يمر بتجربة ينكسر شهر شهرين كولي سنة
بس وراهة يرجع اقوى وينسى
هسة عصبيتج نبهتني ع شغلة
اي مشكلة تصير بين ثنين اذا دخل بيهة اشخاص او سمعوا بيهة ناس
هذول لثنين يتصالحون وينسون بس الناس متنسى
وتظل ادور الزلة
فيا حبيبي استهدي بالرحمن وسدي الموضوع
مجاوبتة بس دزيت مسج هناء كتلهة
العار طليقج ترة جان لاحكج وشفنا اني وياسر
مشافت المسج اكيد دترتاح خطية
ياسر: حبيبي محتاجة شي من الاسواق مشتهية شي
داليا: لا
ياسر: حنزل اشتري عصاير ما اتأخر قفلي السيارة من يمج
نزل هو واني بقيت العب بالفون
دك علية مصطفى مرديت علية مااحس روحي جاهزة
حتة احجي واناقش تعبانة روحياً نفسياً
جسمي مابي شي بس تعبانة من الكلام من كلشي مالي خلك
سويتة سايلنت وفتحت لعبة العبهة
وكلساع تجيني اشعارات مسجات من مصطفى
حتة ماقريت شكاتب
شوية واجة ياسر اني ممنتبهتلة مديكذر يفتح الباب لان اني قافلتة من الداخل
دك الجامة انتبهتلة وفتحت الباب
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
