داليا:لا لان اني مقررة انت تروح للعراق واني اروح لأهلي........
ياسر:انتي صاحيه ترة ماعدا ع زواجنة شهر سمعتج تصير بالطين مخايفة ع روحج خافي ع اهلج والله ابوج ينجلط ويموت بمكانه مخبله
حجاهة بأنفعال وعروقة برزت من العصبيه
حجيت برود عكس انفعاله تماماً لان اعرف بالعياط مراح نوصل لنتيجة
داليا:اوكي لعد نسيني السويته كلة امحي ذاكرتي تكدر
ياسر:ابويه انتي حبيبتي مو كتلج لتريدي يصير وانتقمي مني كدامج اني ضربتج تعالي ضربيني وريحي روحج
تعصبت عليج تعالي عصبي عليه
بس لتكوليلي ننفصل ولج شلون اقبلهة عليج الناس يحجون بشرفج والله احط طلقه براسي وراس كل واحد يجيب طاريج
افهميني بت كلبي انتي لج والله جنت مجبور وربي مجبور ابتعد عنج
داليا:مدااكدر اغفرلك ياسر ليش متحس السويته بيه مو قليل لييييش اني لازم اتحمل شيي فوك طاقتي طززز بالناس لككك كرامتي وين اذا ابقة وياك
بديت انفعل هو رأسا سحبني حضني حاولت اوخر ادفعة عني ماكدرت همسلي
اعرف السويته كلش جبير ومينغفر بسهوله بس وربج جنت مجبور جنت خايف عليج اكثر من روحي
داليا:ياسر مدااعرف صدكك من جذبك
وخرني من حضنه وكال
باوعي بعيوني و راح تعرفين مثل ماعرفتي جذبت عليج وماحبيت غيرج
داليا:هة هاي اذا حبيتني اصلاً
ياسر:افاا داليا تشككين بحبي الج
داليا:طبعاً اشك لان ليحب ميجذب ع حبيبه ولا يبعده عنة ولا يضربه مو صح
ياسر:اعرررف سويتهن كلهم الله ياخذني بس مجبوررر فهمييي عاد انجبرت والله انجبرت
من دعى ع روحه والله كلبي وجعني يحجي ودمه محروك مبين ديحجي الصدك واعرف بي يحبني ولا ثانيه شكيت بحبه الي
بس متقصده احجي هيج اريده يحس بحجم غلطه ولازم اعاقبه
داليا:كتلك جيبلي دليل حتة احاول افهمك وين دليلك
ياسر:نرجع للعراق واشوفج التحاليل الغلط واخذج بيدي للكلب ابن الكلب الدكتور الجذب عليه
داليا:اوكي هسة هذا الموضوع راح اتناساه لحد منرجع للعراق واهاناتك الي شلون اتناساهة
ياسر:مستعد احلفلج ايدي اكسرهة قبل ما أمدهة عليج ومستحيل اهينج لج انتي مو قطعة من كلبي انتي كلبي كله
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
