خطأ طبي

تكملة 60

بدون قلب نقي لن يكون هناك وعي كامل,  لٲن العقل لا يعمل ٳذا كان القلب مظلل بالفساد.❤️‍🩹

هالمرة راح نروح لبيت صار هواي مزايري
راح نزور بيت هناء الصغير
العاشت بي كسرتهة وألمهة وحدهة مقبلت تشارك اي احد بوجعهة
ومن كسرتهة نولدت انسانة جديدة
انسانة قوية مثابرة محد يكدر يتعدى عليهة بكلمة

هناء.

الحياة متوكف ع شخص
احنة مكملين حتلو بس جسد بدون روح احنة مجبورين نكمل
ونجبر كسرنة بأيدنة لان محد دايم الا وجهة الكريم
صح نتأذة بالبداية
نعاني من أثار الصدمة بس مجبورين نكمل
صح انخانيت بس الله ضاملي الاحسن
الحمد لله الله مرزقني بأطفال رغم بوقتهة جنت يومية ادعي
الله يرزقني بطفل
بس الله وحدة يعرف هالانسان ميستاهل يكون بيني وبينة بذرة
ونجاني منة من كشفلي خيانتة
والاهم جان اختبار لصبري
خلصت من شخص مخادع وكذاب
وكعت ضحية مجتمع عقلة محدود وضيق
هاي مطلقة يعني مو خوش
شوفوا رجلهة شنو شاف عليهة وطلكهة
يا خطية اطلكت بعدهة صغيرة

نظرات شفقة نظرات احتقار والانكس منهة عيون الذئاب البشرية
الحيوانات الشهوانية
بس يسمعون مطلقة او ارملة تبدي عروضهم الا اخلاقية
منتظرين الفرصة بفارغ الصبر حتة ينهشون بيهم

مجتمع معاق فكرياً لازم الامرأة تتقبل الذل والاهانة والخيانة
في سبيل تخلص من المجتمع وكلامة

بس اني مو هيج مستحيل اخلي احد يذلني او يكسرني
الحمد لله الله رزقني بأهل واخوان كانوا الي سند وظهر
وكفوا وياي وساندوني

حتة اخوان طليقي وامة وياي لان يعرفوني ماقصرت
وطول لسنين البقيت وياهم اني شايلتهم بنص عيني
وخفت الله بيهم ولحد الان علاقتي بيهم مستمرة
امة تجي تزورني واخوانة يسألون علية ابد مكطعوا وياي

اطلكت وعزلت بشقة صغيرة بصف بيت اهلي
لان مقبلوا اسكن وحدي
بس بسبب اصراري وافقوا
بس لازم كبال عينهم يخافون ليعبر علية حرامي
او من يسمعون الناس وحدة مطلقة بشقة وحدهة يشوهون سمعتي

والحمد لله استقريت توظفت بواسطة
وحققت كل احلامي الجان حارمني منهة بحجة الغيرة

مراح اذكر شكد تعذبت بسبب لقب مطلقة والكلام الاسمعة او التحرش
بس حذكر موقف واحد صعبت علية نفسي بي

هذا الموقف ثبتلي اكو ناس قذرة وناس خيرة
وناس ممكن نسمع عنهم حجي محلو او سمعتهم سيئة وهمة انظف منهم واطهر منهم ماكو
وناس تشوفون شكلهم الخارجي دين وعفة وهمة لا دين ولا اخلاق