خطأ طبي

64

لا أعرف كيف أحميك من الأشياء التي تؤلمك ولكني أستودعك الله كل لحظة ،لان ودائع ربي لا تضيع🤍.

الله ليسامحج لبنية مريضة الله ليسامحج

وراهة فقدت الوعي حسيت بنفسي ورة فترة مااعرف شكد مر وقت واني بعاي الحالة بس الاعرفة والداحس بي اني حالياً بظلام

ظلااام دامس مااكدر افتح عيوني ولا اكدر اتحرك بس احس بكلشي حوالية

احس اكو شي ديمشي بأيدي بس مؤلم كلش يأذي اريد اصرخ من الم ايدي مدااكدر اكو ثكل ع صدري احد ديحرك ايدة ع راسي

اسمع همسات بس ماافهم الكلام ليدور حوالية

ضليت اتعوذ من الشيطان واقرة ايات بداخلي لحد ماكدرت اتحرك شوية وافتح عيوني

اول مفتحت عيوني واستقرت الرؤية عندي شفت ياسر
عيونة حمرة دم

رفعني بحضنة عبالك ورقة بين أيدة ويحرك بية
باسني من كل مكان بوجهي من راسي ومن عيوني
ويمسح ع شعري

ياسر: فتحتي عيونج الحلوة رويحتي
شليتي حاليي وكسرتي ظهري ابوية انتي

سمعيني صوتج حبيبي انتي زينة

ماكدرت احجي احس روحي حيل عطشانة واذا احجي بلعومي ينجرح

بس أشرتلة براسي بمعنى اي زينة

ظل يبوس بية ساعة يبوس بوجهي وساعة بأيدي حتة من كتفي باسني ميعرف شيسوي

كوة نطقت كتلة مي راح جابلي واجة شربني شوية

ارتاحيت شوية وصوتي رجع طبيعي من شربت مي

هو كاعد يمي وصافن بوجهي

داليا: شبييك

ياسر: خفت عليج
داليا: مابية شي لتخاف

مجاوبني بس عيونة ممستقرة تباوع ع كل مكان بوجهي
كلش وترني
درت وجهي عنة واذكرت كل الصار رجعلي كل الحيل

اريد اسوي بيهة شي افوخ كلبي
داليا: وييينهة بعدهة بيتييي

ياسر: اششش اهدي وداهة يسار للبيت

داليا: حركت كلبيي الله يحرك كلبهة دنيا واخرة

ياسر: لتدعين بابا تطلع بيسار لو سارة او محمد ويحترك كلبهة عليهم وهمة مالهم ذنب

داليا: انتتتت مصدكهة ؟!

ياسر: لا طبعا لو اشوفج بعيني اجذب عيوني واصدكج كل عقلج
وثانيا غشيم مااعرف شنو علاقتج بيسار
لو ماادري هو يوصلج
يسار ابني مو بس اخوية وانتي مرتي وصديقتي واختي وكل انثى بحياتي
مستحيل اشك بيكم هيج شك قذر
والدز الصور راح يتحاسب ويصير عبرة