خطأ طبي

Part 51

داليا.....

عدة اسبوع بين مد وجزر
ياسر الحمد لله تحسن نوعا ما يحرك روحة صح هواي يضغط ع نفسة بس هو ميعرف يكعد هيج اذا مو شغل وطلعة رغم هو بمرضة ومستمر يشتغل ودفتر وحساب كلش يخاف ع شغلة

واني قايمة بكلشي يخصة محد يوصل يمة غيري وبأيام الدوام خالة ويسار يمة هو ميقبل احد غيرهم رغم محاولات خالة والهدية بس هو ميقبل ودائما يرفضهة و امير طبعا هو ليوصلي  الحجي

ميساء كلش تحسنت الحمد لله تكدر تمشي وتتحرك وامهة راحت لبيتهة رغم شكد ضجت هية جانت مونستني واني مفتقدة وجود ماما هية سدت شوية من هذا الفراغ بس راح ارجع افتقدهة ويرجع الفراغ لبداخلي

الله ينطيهة صحة وعافية حتى اكلي وشربي تنتبه علية ودائما توصيني اكلي وجهج اصفر واني صدك هاي الفترة كلش تعبانة يصير عندي صداع ومرات يرتفع ضغطي

بس اضغط ع روحي في سبيل ماخلي ياسر ينتبه وينشغل باله رغم هو يومية يسألني شبي وجهج ليش تعبانة ويضل يستفسر لحد ميمل بسبب اجوبتي الباردة وهم ماريد اصير عالة ع احد او يستغلون فرصة تعبي فاضغط ع روحي حتة ماابين

اليوم داومت وكاعدة بأول محاضرة حسيت بصداع موطبيعي كلت هاهية راح اموت انوب صار عندي غثيان ومعدتي كلش كلبت استأذنت من الدكتور وطلعت بسرعة كعدت بمكان بي هوة نفس الشي احس الوضع ديزيد خابرت السايق وصيتة ميبلغ ياسر

بهالاثناء اجتي صديقتي و خطيبهة همة ثنينهم وياي ديسألون عني شلون صرت اني وضعي كلش صار اسوء كعدوا يمي شوية واجة الخط طلبت منهة توصلني للخط لان اخاف اوكع

كمت مشينة لنص الطريق ورجلية بعد متحملني وكوة مفتحة عيوني تغوش طشوا ع وجهي مي كوة صحصحت شوية وابو الخط خطية فوتلي السيارة لداخل الجامعة كالولهم اتخربطت وسمحولة يفوت اخذوني رأسا لمستشفى قريب من الجامعة اجتي وياي صديقتي وخطيبهة صعدوا وية الخط

طلبوا هواي فحوصات سويتهم وانطوني مسكن الحمد لله فك الصداع سويت الفحوصات الدكتور مقبل يحجي شي اله اسوي مفراس ومااعرف هواي اشياء صدفة اجة سلام حمه هناء سابقاً

هو من شافني عرفني واني بكد ما منثولة معرفتة سلم علية وسألني شبيج ليش هنا وكتلة تخربطت سأل الدكتور وتناقشوا بينهم وكالولي اله فحوصات كاملة اصريت ع سلام اريد اعرف شبية كال مااكدر انطيج نتيجة مؤكدة بدون الفحوصات دسويهة وراهة نحجي اصريت فالدكتور الكاعد كال من الاخير شاكين عندج ورم براسج ونريد نتأكد

سلام مقبل ع تصرفة كالة هية اصرت ومن حقهة تعرف ظلوا يتناقشون واني رحت بغير عالم شنو ورم براسي يعني سرطان لو اكر شي لاخ مااعرفة خفت اي ماانكر خفت بس بعدين اتشجعت و كلت الحمد لله على كل حال قدر الله ماشاء فعل