خطأ طبي

Part7

داليا

بعد مرور يومين روتينيات

...
اليوم اخر يوم امتحانات
جان عندي امتحان نظري وراهة امتحان عملي لنفس المادة
راحت للكلية كالعادة شفت البنات وسلمت عليهم وراهة كعدت وحدي اراجع
ورحت امتحنت نظري واخذنة ريست ساعة قبل امتحان العملي

يسر:لج دلو هسة هديل دزتلي مسج اتكول استاذ زيد ديسئل علينة ويريدنة بقاعة ٣
داليا: اوكيي خلي نروح نشوف شيريد
رحنة اني ويسر على استاذ زيد للقاعة جان موجود الشيخ وية الاستاذ استغربت هذا شجابة هنا فتنة للقاعة
يسر، داليا:السلام عليكم
ياسر،زيد: وعليكم السلام
داليا:استاذ گالوا حضرتك طلبتنة
زيد: ايي طلبتج بس الج داأسألج هاي شمسلمتني
وسلمني تقرير العملي مالتي الاوراق مشكوكة شوية من الصفحة وبيهة نقص والاوراق وصخة وكال بعصبية

زيد: اول مرة اسلمين هيج تقرير مبهذل وبي نقص

داليا: بس استاذ اني دائما تقاريري كاملة ومرتبة وانت تعرفني اذا تقرير بي نقص ماأسلمة مو انوب وصخ ومبهذل ويسر شاهدة سلمنة تقاريرنة سوة

يسر: استاذ مستحيل هذا تقرير داليا اكيد احد لاعب بي
زيد: منو يعني راح يلعب بي
داليا: استاذ اني ماخذة للتقرير صور قبل ماسلمة لحضرتك اكدر اشوفلكياهة واثبت تقريري كامل وهذا مو اليي
زيد: شلون مو الج وهذا خطج وهذا اسمج

داليا: استاذ تفرج هذا صور التقرير
وانطينة التلفون يكلب بصور التقرير

زيد: اوكي مصدكج بس هذا شلون حترتبي لان لازم اسلمة للقسم

ياسر: والبنية شعليهة اذا احد لاعب بأوراقهة المفروض يتحاسب الشخص السوة هيج
وباوع على داليا وكمل كلامة
انتي المن سلمتي التقرير لاستاذ زيد شخصيا لو غير استاذ
داليا: لا الممثل جمع التقارير من الطلاب وسلمهة للقسم لان استاذ زيد مجان مداوم بيومهة

زيد:خلي اخابر على الممثل ونشوف المن مسلمهم

خابر على ممثل شعبتنة واجة
سجاد: نعم استاذ اجيت
زيد: سجاد من جمعت التقارير ذاك اليوم لمنو سلمتهم
سجاد: استاذ جمعت التقارير ودورت على حضرتك كالوا ممداوم وراهة رحت للقسم لكيت دكتور ثائر موجود وطلاب هم من قسمنة من ضمنهم هند وهديل وحطيت التقارير على الميز وكلت للدكتور هاي التقارير مال لطلاب يسلمهة لحضرتك وكالي ميخالف
ليش استاذ بيهم نقص لو شنو
زيد : لا بس داليا سلمتك التقرير هيج
اني انطيت التقرير لسجاد حتة يشوفة

سجاد :لا استاذ اصلا اكثر تقرير مرتب جان مال داليا وحطيتة اول تقرير حتة تنفتح نفسك