وقتت المنبه ساعة ١٢ ونمت
بالليل حسيت اكو ثكل ع صدري وكوة دااتنفس
كعدت لكيت ياسر حاط راسه ع صدري
مديت ايدي فتحت التيبلام اليمي واخذت كم صورة اله شكله يجنن وهو نايم مثل الملائكة رموشه طوال وشفايفة ورديه تخبل ومحدده بشواربه
منظرة جان قابل للأكل وربي ينكرط
كومة اخذتله صور ولعبت بشعرة لحد ماتململ بنومته وفزيت ع حركته عبالي كعد
بس حركته صحتني ع زماني شدااسوي اني هو اصلا يكرهني ولاغي وجودي بحياتي شكو كلمة سيئه كالهة الي بدت تتردد بدماغي
اكرهج
ناسيج
نتطلق
اتعصبت من نفسي ومن غبائي بحركة نسيت كلشي والمصيبه حركة ممقصوده وهو نايم ميدري بروحه
من عصبيتي فززته من النوم دغيته من كتفه
داليا:ياسر ياسررر
كام مفزوع
ياسر:شنوو شكوو
داليا:ماكو جنت نايم فوكايه خانكني
ياسر:بشرفجج وهيج تكعديني مخبله انتي
داليا:ايي مخبله مدااكدر اتنفس واصلا مو حاطة مخدة بينه شكو موخرهة
ياسر:كلشي مموخر والنايم مثل الميت ميحس ست النازكة
داليا:غصباً عليك نازكة
فرك وجهي بأيده وكال
ديله يله نامي وخلصيني دطلعتي النومة من خشمي
داليا:اووي عيني سيدي النازك
انطيته ظهري وحاولت ارجع انام بس ماكدرت كلش مقهورة من نفسي هو رجع غفه وانتظمت انفاسه وطير نومتي
كعدت بعد مااكدر ارجع انام اخذت فوني شفت الصور صفنت بيهم احس كلبي حيطلع من مكانه بكد دكاته اتمنى احضنه ونكون مثل قبل بس هو كسرني
كرهت احساسي اتجاهة حذفت كل الصور ورجعت رجعتهم من المحذوفات مااعرف ليش يمكن غباء زايد
عفت الصور ماريد افكر بيهم وضليت اكلب بالبرامج لكيت هناء متصلة بالواتساب دزيتلهة
ها ولج شعندج كاعدة
هناء:جنت دااحجي وية هشام
داليا:صدك تحجين انتي مخبله شكو تحجين ويا بنص الليل
هناء:مو عمتي مريضة ومتقبل تروح للدكتور ويريدني اقنعهة
داليا:وانتي شعليج مو علاقتج المفروض انتهت بهاي العائلة
هناء:لا انتهت بس وية هشام مانتهت وية عمتي وحارث وعبد السلام هذول اهلي متذكرين شسووا علمودي وكفوا ضد ابنهم لخاطري مستحيل اتركهم
أنت تقرأ
خطأ طبي
Romantikقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
