داليا....
اتأكدت الشي ليتمنى الانسان يصير والله دائما يستجاب دعائنة الخير والشر
واني دعيت ابجي وهسة داابجي بس مو حتة افرغ لبداخلي
لا دابجي من خوفي ع الشخص الخاني وطعني بظهري بس رغم هذا كله
اني احب هذا الانسان واحبة بجنون مو حب عادي اني وصلت ويا مرحلة العشق والهيام صح صارت اشياء فوق طاقتي بس ماارصل لمرحلة اتمنالة السوء
رغم العشتة ويا بس قررت اعوفة بدون مااسوي شي ولا اعوفة وهو بسوء او مرض بالعكس ردت اعوفة وهو بخير مابي اي شي
مو هسة مااعرف شنو حالة وشنو الصاير ويا
واني ع المصلايه دااسجد صارت صرخة قوية عفت صلاتي ونزلت اركض وادعي بكلبي ميكون بي شي جانت اصعب لحظة بحياتي
نزلت لكيت نسوان مااعرفهم ديعيطون ويلطمون وام ميساء واكفة بنصهم تكلهم مو هيج صلوا ع النبي
واكفة داارجف مااعرف شسوي خايفة اسأل ويكولولي خبر مااريد اتخيله اصلا مو بس اسمعه
اجتي سارة هزتني من جتفي وكالت
ترة ياسر مابي شي بس اهل هاي المدري شسمهة فاتوا يعيطون مثل لمخابيل
هنااا حسيت روحيي رجعتلي عطت بيهم عيطه خليتهم كلهم يخرسون حتة خاله
كاااافييييي شبيكم تخبلتووووا مابيييي شييي متفهمون ناصبات فاتحة وتلطمن نصبنه فاتحتجن ان شاء الله شكو تفاولون عليه سكتن مااسمع ولا صووت
عيطت من كل كلبي وحدة منهم رادت تحجي خزرتهة وسكتت
اجتي ام ميساء حضنتني وكالت
هدي حبيبه هدي صلي ع النبي
داليا: عليه افضل الصلاة والسلام ولج خالة خبلني والله دمي نشف حتة صلاه عفتهة ع النص ماكملت شكو هاللطهم
خابرته وحجيت ويا مابي شي
خالة من سمعت هيج كمزت علية راسا وكالت
حجيتي وياا الله عليج
داليا: اي والله خالة خابرته ورد علية كال مابيه شي بس هو بمنطقة بعيدة وصلوله عمو ويسار وياهم هواي ولد والحمد لله مابي شي كالي اصابه خفيفة
ام محمد : لعد ليش مانطيتينيا اسمع صوته
داليا: والله خالة مالحكت هنة كلمتين كالهن مابيه شي واصابه خفيفة لتخافون وراح وخابرت يسار كالي هو شوية بعيد وصلولة الحمد لله
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
