احجي واني دمي محترك عيوني مغرشة من الدموع اعرف بي ديجذب بس ليييش اريد افتهم ليييش يجذب ع حبيبته هيج كذبه
عافني وطلع من لسويت وخلاني وحدي حايرة
كلت يجوز ديسوي بيه مقلب لا اكيد مقلب مستحيل شنو ليخلي يتغير عليه
كمت التر بالغرفه رايحة جايه مثل لمخبله والتسريحه ثكيلة ع راسي ضوجتي
كمت اسحب بالماشات حيل نص شعري اتكطع
مرت ساعة وياسر مااجه دزيتلة مسج
(اذا متجي هسة حخابر اهلي واهلك واسويلك فضيحه تعرفني اسويهة)
شافهة وكتب
(جايج)
تقريبا عشر دقايق واندكت الباب رحت فتحته وفات عصبي ويعيط
انتييي شنووو دتهددينييي
داليا: اي اهددك ونص هسة تكعد تحجيلي كلشي
ياسر: انتي مخبلة متفتهمين شحجيلج اكثررررر
داليا: اييي مخبلة وانت خبلتني كلشي محجيت بس اكرهج شنو سولك سحر وشنو هالسحر الي باقل من ساعة يخليك تنكلب ع حبيبتك انطينييي سببب فهمنييي كلبت احلة ليلة بحياتي لعزززززا فهمنيييي عاااد
تعبت من الحجي وجسمي كله جان يرجف مكدرت اضل واكفه ع رجليه وكعت بالكاع وهو واكف بس يباوع عليه
داليا: مراح تحجي شي يعني
ياسر:لا ماعندي شي احجي
داليا:تمام شوف شراح اسوي
وحاولت اكوم اجيب تليفوني بس المصيبه رجلي ابد مدتعيني اوكف عليهه كمت استند ع كلشي بس حتة اوصل للجربايه كوة وصلت وهو عيونه دتتبعني
كعدت ع الجربايه واخذت الفون دادك ع اهلي جان معمي ع عيني من العصبيه والالم الداحس بي كلبي حيل ديعصرني
عاد هو سحب الفون من ايدي وعيط وكال
ياسر: انتيييي مخبلة عليمن ددكين
داليا: ع اهلييي ماابقة يمك لحظة وحدة
ياسر: اي ويجون اهلج ياخذونج والعالم شيكولون عليج بليلة الدخلة راجعة لبيت اهلج
داليا: طززز بالعالم وطززز بيك طبعا مراح يكولون عليك حقير وكو... حيكولوهن علية
بحركة سريعة حط ايده ع حلكي ورجعني (نومني ) ع الفرشة قوي وصار فوكاي يحجي وهو صاك ع سنونه
ياسر: احترمي نفسججج ولتجاوزين عاذرج عصبيه بسسس اياج تعيديهة
جان خازرني وعيونه بعيوني رفعت ايدي تلمست وجهه
أنت تقرأ
خطأ طبي
Romanceقصة جريئة ممزوجة بين الواقع والخيال لثنين عشاق فرقهم خطأ طبي هل ممكن ينجمعون ويكملون سوة ؟؟ هل ممكن يتصلح خذا الخطأ ؟؟ تنويه : اذا متحب القصص الجريئة لتابع 😚
